ନିୟତିର ଖେଳ

ନିୟତିର ଖେଳ ବଡ଼ ହିଁ ଜଟିଳ

  ମୂହୁର୍ତ୍ତେ ବଦଳେ କଡ଼

ଯୋଡିବା ଭାଙ୍ଗିବା ସତେକି ତା ପାଇଁ

  କଥା ନୁହେଁ ବେଶୀ ବଡ଼ ।

ହସ ଖୁସି ସାଥେ ଯନ୍ତ୍ରଣା ଯାତନା

   ନିୟତି ର ସବୁ ଦାନ

ତଥାପି ମଣିଷ ଅବୁଝା ହେଉଛି

   ଦିନରେ ଖୋଜୁଛି ଜହ୍ନ ।

କର୍ତ୍ତବ୍ୟ ବୋଧକୁ ପାଶୋରି ପକାଇ

   ଆଳସ୍ୟେ କାଟୁଛି ଦିନ

ଭ୍ରମରେ ନିଜକୁ ସର୍ବଜ୍ଞ ମଣୁଛି

    ଆକାଶେ ଉଡୁଛି ମନ ।

ନିୟତିରେ ବନ୍ଧା ଏ ସାରା ଦୁନିଆ

    ନିଜ ହାତେ କିଛି ନାହିଁ

ଗର୍ବ ଅହଙ୍କାର ଦି ଦିନର କଥା

    କାହିଁ କେହି ବୁଝେ ନାହିଁ ।

ନିୟତି ର ସାଥେ ଆଜି ଯାଏ କେହି

    ଲଢି କି ପାରିଛି କୁହ

ବିଭୁ ପାଦେ ଯଦି ସମର୍ପିତ ହେବ

    ପୋଛି ଯିବ ସବୁ ଲୁହ ।