ଲାଇବ୍ରେରୀ
ପ୍ରୋଫାଇଲ୍
ନିୟତି ସହ ସାଲିସ - ୧
ନିୟତି ସହ ସାଲିସ - ୧
1 min
232
ଫୁଲ ଟିଏ ଫୁଟିବା ଠାରୁ ଝଡ଼ିବା ଯାଏ
ନଈଟିଏ କେଉଁ ଅଜଣା ଗିରି ଗହ୍ଵର ରୁ ବାହାରି
ସାଗର ବକ୍ଷରେ ମିଶିବା ଯାଏ
ଧରିତ୍ରୀ ଠାରୁ ଆକାଶ ଯାଏ
ଆକାଶ ଠାରୁ ଅନ୍ତରୀକ୍ଷ ଯାଏ
ଦିଗରୁ ଦିଗନ୍ତ ଯାଏ
ସସୀମ ରୁ ଅସୀମ ଯାଏ
ସୂର୍ଯ୍ୟୋଦୟ ଠାରୁ ସୂର୍ଯ୍ୟାସ୍ତ ଯାଏ
ସନ୍ଧ୍ୟା ତାରା ଦିଶିବା ଠାରୁ
କୁଆଁ ତାରା ଉଇଁବା ଯାଏ
ପତ୍ର ଝଡା଼ ଆରମ୍ଭ ହେବା ଠାରୁ
ଫଗୁଣ ଆସିବା ଯାଏ
ଆଦ୍ୟଠାରୁ ପ୍ରାନ୍ତ ଯାଏ
ପ୍ରତି ମୁହୂର୍ତ୍ତର
ପ୍ରତିଟି ଚଳତ୍ ଚିତ୍ର ପୂର୍ବ ନିର୍ଦ୍ଧାରିତ ଏଠି !
ସଭିଏଁ ପାଆନ୍ତି ଏଠି
ନିଜ ନିଜର ପ୍ରାପ୍ୟ , ଯଥା ସମୟରେ
ଯଥୋଚିତ ଭାବରେ।
ତଥାପି ବେଳେ ବେଳେ, ସତ୍ୟ କୁ ସ୍ଵୀକାରି ନେବା
ମଣିଷ ପକ୍ଷରେ
କେତେ କଷ୍ଟକର ହୁଏ ସତରେ !
କିନ୍ତୁ ସେଇୟା ହିଁ ତ ତା'ର ପ୍ରାପ୍ୟ
ପୂର୍ବର କିଛି କୃତକର୍ମ ପାଇଁ
ଅଥବା, ତାହା ତା'ର ବର୍ତ୍ତମାନ ର କର୍ମ
ଭବିଷ୍ୟତ ର ଫଳ ପ୍ରାପ୍ତି ପାଇଁ।
