ନିସଙ୍ଗ ଜୀବନ
ନିସଙ୍ଗ ଜୀବନ
ନିସଙ୍ଗ ଜୀବନ ଛାତି ଭରା କୋହ,
ଅସଜଡ଼ା ମନ ଆଉ ଆଖିଏ ଲୁହ,
ଏକ ଅଦୃଶ୍ୟ ପଥର ପଥିକ,
ଦିଗ ଭ୍ରଷ୍ଟ ଠିକଣା ବିହୀନ,
ମରୀଚିକା ଆଉ ଅବଶୋଷ ll1ll
ଅଗ୍ନି ର ପଥ ପ୍ରହେଳିକା ଏ କୁହୁଡି,
କ୍ଲାନ୍ତ ଅବିଶ୍ରାନ୍ତ ଆଉ ଅସରନ୍ତି ଦିଗନ୍ତ,
ହୁତାଶନ ଆଉ ଅଭିଶପ୍ତ,
ଧୁ ଧୁ ମରୁବାଲି କାଳପିଶାଚ ର ଭୟ,
ନିସାହାର ଶକ୍ତିହୀନ ଜ୍ୱଳନ୍ତ ହୃଦୟ ll2ll
ନିରାଶ ଆଲୋକ ଦୋ ଛକି ର ଜୀବନ,
ଅର୍ଦ୍ଧ ଦଗ୍ଧ ହୃଦୟ ଅସ୍ପଷ୍ଟ ସ୍ପନ୍ଦନ,
ମିଥ୍ୟା ଆଶ୍ୱାସନା ଆଉ ମିଥ୍ୟା ଭରୋସା,
ଜର୍ଜରିତ ପ୍ରାଣ ଆଉ ଅସହ୍ୟ ସପନ ,
ଫୁଟପାଥ ର ଆହ୍ୱାନ
ବଂଚିବା ପାଇଁ ଫରକ ନଥାଏ ମଣିଷ ଆଉ ଶ୍ଵାନ ll3ll
ନିରବଦ୍ରଷ୍ଟା ନୀରବତା ପ୍ରାଣ,
ଭୈରବ ର ସ୍ୱର ଦାନଵ ଚିତ୍କାର,
ହୁତ ହୁତ ହେଇ ଜଳୁଛି ଜିଅନ୍ତା ଶବ,
ସାହା ନାହିଁ ସାଥି ନାହିଁ,
ଚାଲିବାକୁ ହେବ ତୋତେ ଏକା ଏକା
ଏକ ନିସଙ୍ଗ ପଥିକ
ନିଃସଙ୍ଗ ଜୀବନ
ନିଃସଙ୍ଗ ଜୀବନ ll4l।