ନିରବ ନିଷ୍ପତ୍ତି

କେତେ କଥା ଥିଲା କହି ବାକୁ ଏଠି

    ବୁଜିବା ଆଗରୁ ଆଖି

କେହି ଶୁଣିଲେନି ମୋ ମନ ବେଦନା

     ସବୁ ରହିଗଲା ବାକି ,

ସମୟ ସାଥିରେ ତାଳ ଦେଲି ନାହିଁ

     ପାରିଲିନି ମିଛ କହି

ସେଇଥି ପାଇଁ ତ ସମୟ ଆଗରୁ

     ଅଦିନରେ ଗଲି ବୋହି ,

ସବୁ କଥାରେ ମୋ ବିବେକ ରୋକିଲା

     ଚାଲିଲି ସତ୍ୟ ର ପଥେ

ପଣ କରି ଥିଲି ହାର  ମାନିବିନି 

    ଆସୁ ଝଡ଼ ଝଞ୍ଜା ଯେତେ ,

ମୁଁ କି ଜାଣିଥିଲି ଦୁନିଆ ଟା ଆଉ 

     ଦୁନିଆ ହେଇକି ନାହିଁ

ଆପଣା ଲୋକ ହିଁ ତଣ୍ଟି କାଟି ଦେବ

     ଟିକିଏ ଫାଇଦା ପାଇଁ ,

ପରିସ୍ଥିତି ଆଗେ ନିଷ୍ପତ୍ତି ନେଲି ମୁଁ

     ନିରବରେ ମନେ ମନେ

ପାଦ ଦେଇଦେଲି ଅମଡ଼ା ବାଟରେ

     କେଜାଣି କି ଅଭିମାନେ !