ନିଳାଚଳ ଧାମ

ନୀଳାଚଳ ଧାମକୁ ନେରେ କାଳିଆ

   କରିବି ତୋର ଦର୍ଶନ

ତୋର ଧାମରେ ଦେଖିବି ମୁଁ

   ପ୍ରଭୁ ପତିତପାବନ

କରି ନାହିଁ କିଛି ଜୀବନେ ମୁଁ ପୂଣ୍ୟ

   ଏକା ଆସି ଅଛି ଯିବି ହୋଇ ଶୂନ୍ୟ

ସଂସାରେ ମୋର କେହି ନୁହେଁ ନିଜର

   ତୁ ଆଶା ଭରସା ଏକା ମୋର

ତୋର ନୀଳାଚଳରେ ନାମ ଜପିବି

    ତୋ ଧାମରେ ଦେରେ ସ୍ଥାନ

କେତେ ପାପ ମୋ ଜୀବନେ କରିଛି

   କେମିତି ତରିବି ଜାଣି ନାହିଁ କିଛି

ତୋ ସାଥେ ହୋଇଛି ସମ୍ପର୍କ ମୋର

  ତୁ ପରା ଦୁଃଖୀ ଧନ ମୋହର

ତୋ ନୀଳାଚଳରେ ତୋ ନୀଳଚକ୍ର ଦେଖି

   ଯାଉରେ ମୋର ପରାଣ