ନୀତି

ଜୀବନ ମୋହର

ମରୁଚଲା ବାଲି,

ସପନ ଶୁଖିଲା ନଈ ।

କଳା ସାଧନାରେ

ସହରକୁ ଆସି

ବନିଗଲି ବନ୍ଧୁ ଭାଇ ।।୧।।

ଚଲା ବାଟ ଏଠି ,

ସୁଖ ଦୁଃଖ ଭରା

ଯନ୍ତ୍ରଣାର ପୁଣି ଛାଇ ।

ବାସ ହରା ଏଇ

ଜୀବନ ସଂଘର୍ଷ,

ନୀତି ଯେ ବଞ୍ଚୁଛି

ଆଖିର ଲୁହକୁ ପିଇ ।।୨।।

କିଏ , ଏଠି ଖୁସି,

ଆନନ୍ଦେ ଭାସୁଛି

କେତେ ନାନା ଗୀତ ଗାଇ ।

ନିନ୍ଦା ଅପବାଦ,

ଡାଙ୍ଗୁରା ପିଟୁଛି

କେତେ ନିର୍ଯାତନା ଦେଇ ।।୩।।

ଦିନ କଟେ ଏଠି,

ସାଧନା ଚଟାଣେ

ରଙ୍ଗ-ତୁଳୀ ଭାବ ନେଇ ।

ରେଖା ଚିତ୍ର କରି,

"ନୀତି"ରାତି କଟିଯାଏ

ବରମୁଣ୍ଡାରେ ଶୋଇ ।।୪।।

ଭୁଲିଯାଏ ଏଠି,

ନିଜ ପରିଚୟ

ସାଧନାରେ ଧାଇଁ ଧାଇଁ।

ଲକ୍ଷ ସ୍ଥଳ ସାଜେ 

କଣ୍ଟକିତ ଫୁଲ ,

ବିଜୟର ଆଶା ପାଇଁ ।।୫।।