ନୀଳକଇଁର ମନ
ନୀଳକଇଁର ମନ
ଅନ୍ଧାରେ ଅନ୍ଧାର ଦେଖିଛି ମୁଁ ସଖୀ
ଦିନରେ ଦେଖିଛି ଜହ୍ନ
ଜୋଛନା ବାରିରେ କେତେ ଯେ ଭିଜିଛି
ପ୍ରୀତିରଙ୍କା ମୋର ମନ I
କେବେ ମୁଁ ସାଜିଛି ଫୁଲଟିଏ ସଖୀ
ଛୁଇଁଛି ତୁମର ହାତ
ଅଳି ହୋଇ କେବେ ଗୁଣୁ ଗୁଣୁ ହୋଇ
ଗାଇଛି ବେସୁରା ଗୀତ I
ପ୍ରୀତି ପାରାବାରେ ଜୁଆର ଉଠିଛି
ତୁମପାଇଁ ବେଳେ ବେଳେ
ସାଗରକୁ ଚାହିଁ ଖୁସିରେ ନାଚିଛି
ଲହଡିର ତାଳେ ତାଳେ I
ଜୀବନ ସଞ୍ଜରେ ସପନ ଦେଖିଛି
ଦୂର ଦିବଳୟେ ଚାହିଁ
ଜହ୍ନହୋଇ ଯେବେ ଆକାଶେ ଉଇଁଛି
ତୁମେ ସାଜ ନୀଳକଇଁ I