ତମେ ଓ ମୁଁ

ମୁଁ ଅମାବାସ୍ୟା ରାତି

ତମେ ପୂର୍ଣ୍ଣମାସୀ ଜହ୍ନ ।

ଉତ୍ତର ର ଗନ୍ତାଘର ତମେ

ମୁଁ କ୍ଷୁଦ୍ର ଏକ ପ୍ରଶ୍ନଚିହ୍ନ।

ତମେ ସାଗର ର ଦୁର୍ବାର ଆକର୍ଷଣ

ମୁଁ ନଦୀର ଆତ୍ମ ସମର୍ପଣ।

ତମେ ନିଝୁମ ବର୍ଷାର ଛିଟା

ମୁଁ ଆତୁର ଚାତକ ର ମନ ।

ଯତି ମତି ହରା ଭ୍ରମର ମୁଁ

ତମେ ପୁଷ୍ପମଣ୍ଡିତ ଉପବନ ।

ଅମୁଲ୍ୟ ଦୁର୍ଲଭ ତମେ ଶାମୁକା ର ମୋତି

ମୁଁ ସାମାନ୍ୟ ଶିଳା ସମାନ।

ମୁଁ ଯାଯାବର ଭସା ବଉଦ

ତମେ ଖରା ର ପ୍ରଚଣ୍ଡ କିରଣ।

ମୁଁ ଶୂନ୍ୟତା ର ପରିଭାଷା

ତମେ ମୋ ଜୀବନ ରେ ପୂର୍ଣ୍ଣତା ର ପ୍ରାଣ ।