ନୀଳାଦ୍ରୀ ବିଜେ
ନୀଳାଦ୍ରୀ ବିଜେ
ମାନବୀୟ ଲୀଳା ସାରି ଶ୍ରୀଜୀଉ ଆସନ୍ତି ଫେରି
ଗୁଣ୍ଡିଚା ମାଉସୀ ପାଖେ କଣ୍ଟ କରିଣ l
ବରଷେ ପାଇଁ ଯାଉଛି ଲକ୍ଷ୍ମୀ ଯେ ରୋଷ ହୋଇଛି
ଜନ୍ମବେଦୀରୁ ଫେରନ୍ତି ସେ କଳାଧନ ll
ଶୀରି ମନ୍ଦିରକୁ ବାହୁଡେ
ରଥ ଉପରେ ବେଗି ବେଗି ହୋଇ ଚଢେ l01l
ଶରଧାବାଲି ଉଛୁଳେ ଶଙ୍ଖ ମହୁରୀ ମlର୍ଦ୍ଦଳେ
ଜୟ ଜଗନ୍ନାଥ ଡାକ ପଡଇ ହୁରି l
କେଁ କଟର ଶବ୍ଦ କରି ରଥ ଚକ ଚାଲେ ଗଡି
ଦେଖି କେତେ ପାପୀ ତପି ଯାଆନ୍ତି ତରି ll
ରଥlରୁଢ ବାମନ ବେଶ
ବଡଦାଣ୍ଡେ ଦର୍ଶନ କରି ସୁନାବେଶ l2l
ଶୁକ୍ଳ ଏକାଦଶୀ ତିଥି ସୁନାବେଶ ଯଥା ଵିଧି
ଅଧାଗଢା ବ୍ରହ୍ମ ଦାରୁ ପୂର୍ଣ୍ଣାଙ୍ଗ ଦିଶେ l
ଦ୍ୱାଦଶୀ ତିଥିରେ ପୁଣି ଅଧର ପଣା ଆଘ୍ରାଣୀ
ଗୋଟି ପହଣ୍ଡିରେ ଶ୍ରୀମନ୍ଦିରେ ପ୍ରବେଶେ ll
କ୍ରୋଧେ ଜର୍ଜରିତ କମଳା
ସିଂହଦ୍ୱାର ଦିଅନ୍ତି କିଳି ନ କରି ହେଳା l3l
ବଚନିକା କରି ଦୁହେଁ ମାଆ କବାଟ ଖୋଲିଦିଏ
ମଦନ ମୋହନ ଭିତରକୁ ଗମନ୍ତି l
ପୁଣି ରୋଷେ କମଳିନୀ ଜୟ ବିଜୟ କିଳିଣି
ଛାଡିବିନି ପ୍ରାଣନାଥ ବୋଲି କହନ୍ତି ll
ରସଗୋଲା ମାଏକୁ ଦେଇ
କହନ୍ତି ଗୁପ୍ତ ଗୁଣ୍ଡିଚା ନେବେ ବୁଲାଇ l4l
ରାଗ ମିଶା ସ୍ମିତ ହସି ପାଛୋଟି ନିଅନ୍ତି ଆସି
ବିଜେ ହୁଅନ୍ତି ପ୍ରଭୁ ରତ୍ନ ସିଂହାସନେ l
ବଳଭଦ୍ର ସୁଭଦ୍ରlଙ୍କୁ ବିଜେ କରାନ୍ତି ଭିତରକୁ
ଆନନ୍ଦେ ଚର୍ତୁଦ୍ଧା ମୂର୍ତ୍ତି ଉଭା ଆସନେ ll
ଶୁକଳ ତ୍ରୟୋଦଶୀ ତିଥି
ନୀଳାଦ୍ରି ବିଜେ ପରବ ଉଲ୍ଲାସେ ପାଳନ୍ତି l5l