ପ୍ରିୟ ରସଗୋଲା

ମିଷ୍ଟାନ୍ନ ଭିତରେ  ଶ୍ରେଷ୍ଠ ସେ ଅଟଇ

    ଆମ ପ୍ରିୟ ରସଗୋଲା l

ଯାହାର ସୃଷ୍ଟିକୁ    ଜାଣିବା ପାଇଁକି 

   ଇତିହାସ ହେଲା ଖୋଲା l

ଓଡ଼ିଆ ବଙ୍ଗଳା   ଲାଗିଲା ବିବାଦ

   ରସଗୋଲା ଯେ କାହାର l

ବଳରାମ ଦାସ   ଦାଣ୍ଡି ରାମାୟଣ

    ଉନ୍ମୁକ୍ତ କଲା ଗୁମର l

ଅନାଦି କାଳରୁ  ଜଗନ୍ନାଥ ପାଖେ

  ଲାଗି ଯେ କ୍ଷୀର ମୋହନ l

ସଭିଙ୍କର ପ୍ରିୟ  ଦେଶରୁ ବିଦେଶ

   ଓଡ଼ିଶା ପ୍ରିୟ ମିଷ୍ଟାନ୍ନ l

ମାନ ଭାଙ୍ଗିବାକୁ  ମହାମାୟୀଙ୍କର

  ରସଗୋଲା ନାଥ ଦେଇ l

ଯୁଗ ଯୁଗ ପାଇଁ  କଥା ରଖିଗଲେ

  ଜଗତ ନାରୀଙ୍କ ପାଇଁ l

ଓଡ଼ିଆଙ୍କ ପ୍ରିୟ   ଓଡ଼ିଶାର ଦିଅଁ

   ପ୍ରଭୁ ସେ ଚକା ନୟନ l

ରସଗୋଲା ଖାଇ ନୀଳାଦ୍ରିରେ ବିଜେ

   ହୋଇଥାନ୍ତି ଆଜଦିନ l

ସେଥିପାଇଁ ପରା  ଆଜିର ଦିନକୁ

   ରସଗୋଲା ଦିନ କହି l

ରସ ସର ସର ରସଗୋଲା ଗୋଟି

  ଖାଇ ମନ ଯାଏ ମୋହି l