ନୀଳ କଇଁ ଯେ ଉଠଇ ନାଚି

ନୀଳ କଇଁ ଯେ ଉଠଇ ନାଚି ହଜାଇ ଆଖି ତନ୍ଦ୍ରା

ଡେରି କରନା ନିଦରୁ ଉଠ ମୋ ପ୍ରିୟା ମଧୁଛନ୍ଦା

ଯାଇଛି ତୁମ ଆଖିର ଧାରେ କେତେଯେ ନିଦ ଭରି

ପୂରିଯାଇଛି ମନ ଯେ କେଉଁ ପଦ୍ମରାଗ ଝରି

ଭରି ଉଠିଛି କଳକଲ୍ଲୋଳେ ମନର ଅଳକନନ୍ଦା।

ଡେରି କରନା ନିଦରୁ ଉଠ,,,,,,,,

ମୋ ସପନ ଯେ କାଗଜ ଫୁଲ ତୁମରି ଗନ୍ଧ ବିନା

ମନ ରାଗିଣୀ ତୁମ ବିହୁନେ ହୁଏଯେ ଛନ୍ଦ ହୀନା

ଜାଣନା ତୁମେ ଏ ମନ ତୁମ ପ୍ରୀତି ଡୋରିରେ ବନ୍ଧା

ଡେରି କରନା ନିଦରୁ ଉଠ,,,,,,,,,

ଚାହିଁ ରହିଛି ଭାଙ୍ଗିଲେ ନିଦ ଅଳସ ଦୂର କରି

ସଜାଡି ଦେବି ମୁକୁଳା ତୁମ ସୁଗନ୍ଧିତ କବରୀ

ଓଠେ ଚୁମ୍ବନ ରହିଛି ଚାହିଁ ଛଡାଇବାକୁ ତନ୍ଦ୍ରା ।

ଡେରି କରନା ନିଦରୁ ଉଠ,,,,,,,