ଲାଇବ୍ରେରୀ
ପ୍ରୋଫାଇଲ୍
ନଈ ରେ ନଈ
ନଈ ରେ ନଈ
1 min
83
ଶିଶୁ ଓ କିଶୋରମାନଙ୍କ ନିମନ୍ତେ କବିତାଟିଏ
ନଈ ରେ ନଈ
ଯାଉଛୁ ବହି
କେତେ ଗାଁ ଗଣ୍ଡା ସହର ଦେଇ ll
ବଣ ଜଙ୍ଗଲ
ପାହାଡ଼ ଘେରା
କୁଳୁକୁଳୁ ନାଦେ ବହୁଛୁ ପରା ll
ଅଙ୍କା ବଙ୍କାରେ
ତୋହର ଗତି
ବହି ଯାଉଛୁ ତୁ ସାଗର କତି ll
ତୋହରି କୂଳେ
କେତେ ସଭ୍ୟତା
ବଢ଼ାଇଛି ତୋ ଗୌରବ ଗାଥା ll
ମୂକ ସାକ୍ଷୀତୁ
ଅଟୁରେ ନଈ
କାଳ କାଳକୁ ଯାଉଛୁ ବହି lll
ଇତିହାସ ଓ
ପୁରାଣ କଥା
ତୋହରି ସାଥେ ହୋଇଛି ଗୁନ୍ଥା ll
କେତେ ଯେ ତୀର୍ଥ
ତୀରରେ ତୋର
ଗଢି ଉଠିଛି ମଠ ମନ୍ଦିର ll
ମୂର୍ତ୍ତିକା କରୁ
ଶସ୍ୟ ଶ୍ୟାମଳା
ବକ୍ଷରେ ଧରୁ କେତେ ମଇଳା ll
ଆଦିମାନବ
କରିଲା ବାସ
ତୋହରି କୂଳେ ଶିଖିଲା ଚାଷ ll
ତୋହରି ପାଣି
ମଡ଼ାଇ କ୍ଷେତେ
ଉପୁଜାଇଲା ଫସଲ କେତେ ll
ଜୀବ ଜଗତ
ଜୀବନ ଧାରା
ନଈ ରେ ନଈ ଅଟୁ ତୁ ପରା ll
