ନିଦାଘ

ନିଦାଘର ଦାଉ ହେଲାଣି ଅସହ୍ୟ 

     ମହୀ ହୁଏ ଥରହର 

ଜଳର ବିହୁନେ ଆର୍ତ୍ତ ଚିତ୍କାର 

     ଶୁଭେ ଜୀବ ଜଗତର  ୲୲ 

ନଦୀ ନାଳ ଦିଶେ ଧୂସର ଧୂସର 

   ଜଳ କାହିଁ ମିଳେ ନାହିଁ 

ମୃଗତୃଷ୍ଣା ଭ୍ରମେ ଭ୍ରମିତ ତୃଷାର୍ତ୍ତ 

  ଶୋଷ କି ପାରଇ ସହି  ୲୲ 

ବହେ ଦକ୍ଷିଣରୁ ନିଦାଘର ଝାଞ୍ଜି 

    ବଞ୍ଚିବା ଅଥୟ କରେ 

ବାହାରକୁ ଯିବା ବିପଦ ଜନକ 

   ଡହଡହ ଖରାବେଳେ   ୲୲ 

ବାହାରକୁ ଯିବା ବାଧ୍ୟ ଯଦି ହୁଏ 

   ଟିକେ ସଚେତନ ହେବା 

ପାଦେ ଥିବ ଜୋତା ମଥା ପରେ ଛତା 

   ପାଣି ବି ସାଥିରେ ନେବା  ୲୲ 

ନିଦାଘ କାଳରେ ବେଶୀ ସାଂଘାତିକ 

    କାଳବୈଶାଖୀର ଝଡ 

ଆସେ କେଉଁ ଆଡୁ ବୁଝି ତ ହୁଏନା 

    ଭାଙ୍ଗି ଦିଏ ସୁଖ ନୀଡ  ୲୲