ଲାଇବ୍ରେରୀ
ପ୍ରୋଫାଇଲ୍
ନିଦ ମାଉସୀ ଦେ ଆଉଁସି
ନିଦ ମାଉସୀ ଦେ ଆଉଁସି
1 min
221
ନିଦ ମାଉସୀ ଦେ ଆଉଁସି ଶୋଇଵ ଧନ ମୋହର।
ନେଇଯିଵୁ ପରୀ ରାଇଜକୁ, ଚାହିଁ ଛି ବାଟ ତୋ'ର।
ଗାଧୋଇ ସାରି କଜ୍ଜଳ ନାଇ ଭୋଜନ ସାରିଅଛି।
କୋଳେ ତୋ'ର ଶୋଇବାକୁ ଛଟପଟ ଭାରି ହଉଛି।
ରାତିଦିନ କରୁଥାଏ ଦୁଷ୍ଟାମି,ଖେଳେ ଲୁଚକାଳି।
ମୁରୁକି ସେ ହସୁଥାଏ ଦେଉଥିଲେ ମୁଁ ଯେତେ ଗାଳି।
ଵୁଲାଏ ମୁଁ ନିତି ଅଗଣାରେ ଦେଖାଏ ଜହ୍ନ ତାରା।
ଡେରି ନକରି ନିଦ ମାଉସୀ ଦେଇଦେ ଆସି ଧରା।
ଥକି ପଡ଼ିଲାଣି ମୋ ସୁନା ଚାଲି ଚାଲି ଖେଳିଵୁଲି।
ଘୋଡେଇ ପଣତ ଗାଉଛି ଗୀତ ଆ ତୁ ଶୀଘ୍ର ଚାଲି।
ପାଇ ତୋ' ପରଶ ଦେଖିଵ ମୋ ଧନ ମିଠା ସପନ।
ଆ ,ନିଦ ମାଉସୀ ଚେଇଁବାକୁ ଆଉ ନାହିଁ ତା' ମନ।
ଶୋଇ ପଡିଵ ଯେଵେ କରିଵି ଘର କାମ ଚଞ୍ଚଳ।
ନଶୋଇଲେ କରିଵ କେତେ ନାଟ, ଛାଡିବନି କୋଳ।
ନିଦ ମାଉସୀ ଦେ ଆଉଁସି,ରହିଗଲୁ ତୁ କୋଉଠି
ଆଖି ମିଟି ମିଟି କରୁଛି,ନିଦକୁ ଦେଇଦେ ଭେଟି।
ଅଝଟିଆ ନଟଖଟିଆ ହୁଏ ସେ ଵେଶୀ ଫୁଲେଇ
ହାଲିଆ ହେଉଥାଏ ମୁଁ ତା'ର ପଛେ ପଛେ ଗୋଡେଇ।
ନିଦ ମାଉସୀ ଦେ ଆଉଁସି ରହିଅଛି ସେ ଅନେଇ
ଗୁଲୁଗୁଲିଆ ଗଳାମାଳିକୁ ଦେ ଲୋ ଟିକେ ଶୁଏଇ।
