ନେତାଜୀ ସୁଭାଷ

ମୋତେ ଦିଅ ରକ୍ତ ମୁଁ ଦେବି ତୁମକୁ

ବଦଳରେ ସ୍ବାଧୀନତା ,

ଇଂରେଜ ଶାସନ ହଟାଇବା ପାଇଁ

ଏଥିଲା ଯାହାଙ୍କ ବାର୍ତ୍ତା ।

ଓଡ଼ିଶା ମାଟିର ଗର୍ବ ଓ ଗୌରବ

ନେତାଜୀ ସୁଭାଷ ବୋଷ ,

ମାଆ ପ୍ରଭାବତୀ ବାପା ଯେ ଜାନକୀ

କଟକ ସହରେ ବାସ ।

ନିରୀହ ଭାରତ ବାସୀଙ୍କ ଦୁର୍ଦ୍ଦଶା

କଲା ତାଙ୍କୁ ସ୍ତମ୍ଭିଭୂତ ,

ଦେଶ ମାତୃକାର ସେବା ରେ ନିଜକୁ

କଲେ ସେ ଉତ୍ସର୍ଗୀକୃତ ।

ସିଭିଲ୍ ସର୍ଭିସ୍ କରି ପରିତ୍ୟାଗ

ଯୋଗ ଦେଲେ କଂଗ୍ରେସରେ,

ମହାତ୍ମା ଗାନ୍ଧୀଙ୍କ ଅହିଂସା ନୀତି କୁ

ମାନିଲେନି ସହଜରେ ।

ନିଜେ ଏକ ଦଳ ଗଢ଼ି ନାମ ଦେଲେ

ଆଜାଦ୍ ହିନ୍ଦ୍ ଫଉଜ ,

ଅସ୍ତ୍ରର ଜବାବ ଅସ୍ତ୍ରେ ଦେବା ପାଇଁ

ବାହିନୀ ହୋଇଲା ସଜ ।

ଭୟରେ ଥରିଲା ଇଂରେଜ ଶିବିର

ଦେଖି ୟାଙ୍କ ରଣନୀତି ,

ଥୟ କରିନେଲେ ଦେଇ ସ୍ବାଧୀନତା

ବାହୁଡିବେ ରାତାରାତି ।

ଅଦୃଷ୍ଟ ଲିଖନ କେ କରିବ ଆନ

ଟୋକିଓ ଗସ୍ତେ ସୁଭାଷ ,

ଉଡାଜାହାଜଟି ଦୁର୍ଘଟଣା ଗ୍ରସ୍ତ

ସବୁ ଜଳି ପୋଡ଼ି ଶେଷ ।

ଏବେବି ରହସ୍ୟ ଘେରରେ ନେତାଜୀ

ମିଳିନାହିଁ ଯେଣୁଁ ଶବ ,

ଆଜିବି ସୁଭାଷ ଚନ୍ଦ୍ର ବୋଷ ସତ୍ତା

ହେଉଅଛି ଅନୁଭବ ।