ନାରଖାର ପୂର୍ବରୁ ହୁଅ ହୁସିଆର

             

ଶହ ଶହ ମୋର ଗାଁ, ଭାଇ ଚାରା ହୋଇଛି ଭର୍ତ୍ତି 

ମୋର ଭାରତ ଭିତରେ

ସରଗ ନୁହେଁ ତାର ସମ ଏକାଠି ରହୁଛୁ ଆମେ 

ସର୍ବେ ଗୋଟିଏ ନିଡରେ l

ମାନବ ଜୀବନ ଶ୍ରେଷ୍ଠ ମାନବ ସେବା ଶ୍ରେଷ୍ଠ ଧର୍ମ,

ଗାଉ ସବୁ ମଣିଷ ରୁହନ୍ତୁ ସୁଖରେ

ତୁମେ ଓ ମୁଁ ର ଅବସ୍ଥାନ ନୁହେଁ ଭିନ୍ନ, ଦର୍ଶନ ଆମର

ଦୁଇଗୋଟି ପକ୍ଷୀ ଗୋଟିଏ ଡାଳରେ l

ଗାଁ ସବୁ ମୋର ମୁଖରିତ ହୁଏ ବାର ମାସ ତେର 

ପର୍ବ ପର୍ବାଣୀରେ 

ସ୍ନେହ ପ୍ରେମର ସମ୍ପର୍କ ଛିଡା ହୋଇଛି ଭେଦ ଭାବ 

ରଜୁକୁ ଛେଦିରେ l

ମତାନ୍ତର ଅଛି କିନ୍ତୁ ମନାନ୍ତର ନାହିଁ, ବିପଦେ ସର୍ବେ

ଗୋଟେ ଛାତ ତଳେ ଛିଡା

ରଜ, ଦୋଳ, ଦଶହରା ପର୍ବରେ ସମସ୍ତେ ମମତା

ବନ୍ଧନେ ଏକ ଭାବେ ହୋଇଛୁ ଗଢା l

ଚେଷ୍ଟା ଚାଲିଛି କିଛି ନ୍ୟସ୍ତ ସ୍ୱାର୍ଥ ଗୋଷ୍ଠୀର ପଣସ ଖାଇ

ଅଠା ନେସାରେ ହୋଇଛନ୍ତି ଅଭ୍ୟସ୍ତ

କାଉ ପରି ଦୋଷ ସାରା ଅନ୍ୟ ମୁଣ୍ଡେ ବୋଳିଦେଇ ସୁବଚନ 

ପରଷି ଠକିବାରେ ବ୍ୟସ୍ତ l

କଳି ମଞ୍ଜି ଆଣି ନିତି ଦିନ ପୋତି ସର୍ବଦା ଚେଷ୍ଟିତ ନ୍ୟସ୍ତ 

ସ୍ୱାର୍ଥ ଗୋଷ୍ଠୀ ମନାନ୍ତର ସୃଷ୍ଟି ପାଇଁ

ପାପର ଗଦାରେ ଠିଆ ହୋଇ କହୁଛି ପୁଣ୍ୟ ପଥ ଥାଅ ଧରି, 

ମନେ ଭାବେ କେହି ଜାଣିବେ କାହିଁ ପାଇଁ l

ସମୟ ଆସିଛି ନିଜକୁ ପଚାରିବାକୁ ଆତ୍ମ ବିଶ୍ଳେଷଣ ଓ 

ଆତ୍ମ ସମୀକ୍ଷଣ କରି

ପାଇବା ଉତ୍ତର, ଦୋଷ ଅବା ଦେବା କାହାକୁ ଭଲା ମିଛ

ଜାଲେ ଫସିଛେ କୃତ କର୍ମ ଆମ ସବୁରି l

  

ମିଠା ନରମ କଥାରେ ଭଳି ଆପଣା ହାତେ ଜିଭ 

ଛେଦନ କଲୁ

ଜାଣି ଶୁଣି ବିରାଡ଼ି ବୈଷ୍ଣବ ଭାଷା ଠିକାଦାରକୁ 

ଶାସନରେ ବସାଇଲୁ l

ବୀଜ ଫୁଟିଲେ ଅଙ୍କୁରିତ ହୋଇ ପତର ଖୋଲେ,

ସବୁ ହୋଇଯିବ ନାରଖାର

ସ୍ୱାର୍ଥ ପାଇଁ ଠକି ଚାଲେ ବାରବାର, ସବୁ ନାରଖାର 

ପୂର୍ବରୁ ଏବେ ହୁଅ ହୁସିଆର l