ନାରୀର ଠିକଣା
ନାରୀର ଠିକଣା
ବାଲ୍ଯାବସ୍ଥାରେ ନାରୀ
ବୋଲେ ତା' ବାପାଙ୍କୁ
ଏହିତ ମୋହରି ଘର,
ବାପା ବୋଲନ୍ତି ମିଥ୍ଯା
କହିଲୁ ରେ କନ୍ଯା
ଏହି ଘର ଅଟେ ମୋର ।
ବିବାହ ପରେ ନାରୀ
ସ୍ବାମୀଙ୍କୁ ବୋଲଇ
ଆଜିଠୁ ଏ ଘର ମୋର,
ସ୍ବାମୀ ବୋଲନ୍ତି ମିଥ୍ଯା
କହିଲ ଗୋ ଦେବୀ
ଏ ଘର ମୋ ପିତାଙ୍କର ।
ଶ୍ବଶୁର ମୃତ୍ଯୁ ପରେ
ସ୍ବାମୀଙ୍କୁ ବୋଲେ ସ୍ତ୍ରୀ
ଆଜିଠୁ ଏହି ମୋ ଘର,
ସ୍ବାମୀ ସରଧାରେ
ବୋଲନ୍ତି ଗୋ ଦେବୀ
ଏ ଘର ଆଜିଠୁ ମୋର ।
ବାର୍ଦ୍ଧକ୍ୟ ଅବସ୍ଥାରେ
ସ୍ବାମୀ ମୃତ୍ୟୁପରେ
ନାରୀ କହେ ଏ ମୋ ଘର,
ପୁତ୍ର ବୋଲନ୍ତି ବୃଦ୍ଧା
ହୋଇଲ ଗୋ ମାତା
ଏବେ, ଏ ଘର ତୁମ ପୁଅର ।
ଅନ୍ତିମ ଅବସ୍ଥାରେ
ମୃତ୍ୟୁର ଶେଯରେ
ନାରୀ ପାଇଲାନି ଘର,
ଖାର ହେଲା ଶରୀର
ଶ୍ମଶାନ ଭୂଇଁରେ
ପାଇଲାନି ନିଜ ଘର ।
ନାରୀର ଘର କ'ଣ
ନାହିଁ ମର୍ତ୍ତ୍ଯପୁରେ
ଦିଅ ସର୍ବେ ଥା' ଉତ୍ତର,
ମାୟା କି ତା' ଶରୀର
ବୋଲ ବିଶ୍ବବାସୀ
କେଉଁଠି ତାହାର ଘର ?