🌹ନାରୀ ଅତୁଳନା ମହିୟସୀ 🌹

ଅଭୁତପୂର୍ବ ସେ ଆଦିମର ସୃଷ୍ଟି

   ଅତୁଳନା ମହିୟସୀ

ଅଭିନଵ ସୃଷ୍ଟି ଅନୁସାରି ତାର

   ଅନୁପମେ ଥାଏ ହସି.

ଅଦ୍ୱିତୀୟ ସେହି ଅନୁନୟ ସେହି

    ଅନୁଗ୍ରହେ ଏ ଜଗତ

ଅପ୍ରମେୟ ଦାନ ଅଧିଶ୍ରିତ ମନ

    ଅଭିଜ୍ଞାନେ ଅଭ୍ୟୁଦିତ.

ଅଭିନନ୍ଦନର ଅଭିସାରିକା ସେ

   ଅଭିନୟ ତା ଶୀର୍ଷକ

ଅଭୟା ସ୍ବରୁପେ ଅବତୀର୍ଣ୍ଣ ହୁଏ

   ଅବିଧେୟ ଆବଶ୍ୟକ.

ଅବିରତ ଯିଏ ସୃଷ୍ଟି ଆବାହନେ

   ଅସୃଷ୍ଟି ତାର ବାରଣ

ଅବସ୍ଥାନେ ଜାୟା, ଭଗିନୀ ଓ ମାଆ

   ଅପୂର୍ବ ତାହାର ଦାନ.

ଅନଶ୍ଵର ଧରା ଅବସନ ପ୍ରାୟେ

    ଅଗ୍ନି ବର୍ଷିଲେ ନୟନୁ

ଅମୃତ ଝରଇ ବାଣୀରୁ ତାହାର

    ଅଜର ଅମର ତନୁ.

ଅଗମ୍ୟ ପଥ ର ଅଲିଭା ଆଲୋକ

   ଅବର୍ଣ୍ଣନୀୟ ସଂସାରେ

ଅଟଳ ମନରେ ଅତୁଟ ଅଞ୍ଜଳି

   ଅର୍ପିଦେବା ପାଦ ତଳେ.।