"ନାରୀ"
"ନାରୀ"
ଆହେ ଦୟାମୟ
ବିଶ୍ଵବିହାରୀ
ନିଜ ହାତେ ତୁମେ
ଗଢିଲ ନାରୀ।୧।
କାହା ହାତେ ସିଏ
ଖେଳଣା ନୁହେଁ
ଖୁସିରେ ସିଏ ତ
ବଞ୍ଚିବା ଚାହେଁ।୨।
ଲୋଭି ସେ ଆଦର
କରେ ନିଜର
ଛୋଟ ବଡ଼ ଯେତେ
ନ ଭାବି ପର।୩।
ଝିଅଟିଏ ସିଏ
ହସାଇ ଦିଏ
ବୋହୂ ବେଶେ କେବେ
ବିଦା ସେ ହୁଏ।୪।
ପାଇଣ ସଂସ୍କାର
ଆଦର୍ଶ ଶିକ୍ଷା
ଜ୍ଞାନ ଗୁଣେ ସିଏ
କରଇ ରକ୍ଷା।୫।
ମଧୁର ବଚନ
କୁହଇ ଜାଣି
ମାଆଟିଏ ହୋଇ
ହସାଏ ପୁଣି।୬।
ନାରୀ ଜୀବନ ଯେ
ଦୁଃଖର ଘର
ତ୍ୟାଗ କରି ସିଏ
ହୁଏ ନିଜର।୭।
ଭୁଲି ଯାଇ ସିଏ
ନିଜ କଷଣ
ସେବୀ ଚାଲି ଥାଏ
ଯାଏ ମରଣ।୮।
ଧନ୍ୟ ତୁହି ନାରୀ
ସହନଶୀଳା
ତୋ ଠାରେ ରହିଛି
କେତେ ଯେ କଳା।୯।
ତୋ ବିନା ସଂସାର
ପୁରା ଅନ୍ଧାର
ସବୁଠି ଖୋଜା ଯେ
ହୁଏ ତୋହର।୧୦।