ନାରୀ

କାହା ପାଇଁ ସେ ଆନନ୍ଦଦାୟୀନି

କାହା ପାଇଁ ସେ ମନମୋହିନୀ

କାହା ପାଇଁ ସେ ସଫଳତାର ଦ୍ଵାର

କାହା ପାଇଁ ସେ ମରଣର ଘର ।

କାହା ପାଇଁ ସେ ଅର୍ଦ୍ଧାଙ୍ଗିନୀ

କାହା ପାଇଁ ସେ ପ୍ରେମ କାହାଣୀ

କାହା ପାଇଁ ସାତ ଜନ୍ମର ସାଥି

କାହା ପାଇଁ ସେ ତ୍ୟାଗର ମୂର୍ତ୍ତି ।

ତା ହସରେ ହସୁଥାଏ ପ୍ରତିଟି ସଂସାର

ତା ଲୁହରେ ଜଳିଯାଏ ସୁନାର ସହର

ଶକ୍ତିର ସ୍ୱରୂପ ସିଏ ସଂହାରକାରିଣୀ

ଆନନ୍ଦଦାୟୀନି ପୁଣି ବିଶ୍ୱବିଜୟୀନି ।

ସ୍ୱାମୀର ଭାଗ୍ୟରେ ବନ୍ଧା ତାର ଭାଗ୍ୟ

ବାଣ୍ଟୁଥାଏ ସ୍ନେହ ପ୍ରେମ କରୁଣାର ଅର୍ଘ୍ୟ।

ନିଜକୁ ଜାଳି ଜାଳି ପାଉଥାଏ ତୃପ୍ତି

ଅପାପ୍ତିରେ ସଦାକାଳ ପୂର୍ଣ୍ଣତାର ପାପ୍ତି ।

ପ୍ରତିକ୍ଷଣେ କଣ୍ଟକିତ ତାର ଚଲାପଥ

ଲୁହ ପିଇ ଗାଉଥାଏ ଆନନ୍ଦର ଗୀତ

ଜନନୀ ଭଗିନୀ ଆଉ ପୁଣି ଜାୟା

ସ୍ରଷ୍ଟାର ଅନନ୍ୟ ସୃଷ୍ଟି ନାଁଟି ଅନନ୍ୟା ।