ନାରୀ

ଏତେ ବଡ ଦୁନିଆଁକୁ ଆପଣାର କରି

ମମତା ଡୋରିରେ ବାନ୍ଧେ ସିଏ ଅଟେ ନାରୀ ॥

ନାରୀ ଯୋଗୁଁ ଏ ଜଗତ ହୋଇଛି ସର୍ଜନା

ନାରୀ ଯୋଗୁଁ ମୁରୁଖ ଯେ ବ୍ରହ୍ମଲଭେ ସିନା ॥

ବାତ୍ସଲ୍ୟ ସ୍ନେହ ମମତା ରସ ନାରୀଙ୍କର

ତାଙ୍କ ଯୋଗେ ସୁଖ ଭୋଗେ ଚିରକାଳ ନର. ॥

ସୁଖ ଶାନ୍ତିଗତି ମୁକ୍ତି ଭକ୍ତି ବିଧାୟିନୀ

ଚରଣ ସେବିକା ପତି ଙ୍କ ଅନୁଗାମିନୀ ॥,

ଲକ୍ଷ୍ମୀ ସ୍ଵରୂପୀ ରମଣି ସାକ୍ଷାତେ ବରଦା

ଶକ୍ତି ରୂପା ନାରାୟଣୀ ସନ୍ତାନ ସୁଖଦା ॥

ନାରୀ ହିଁ ସାକ୍ଷତେ ମାତା ପତ୍ନୀ ଓ ଦୁହିତା

ଲାଳନ ପାଳନ କରି ହୁଏ ଆନନ୍ଦିତା ॥

ମାତା ରୂପେ ନାରୀ ଦିଏ ବାତ୍ସଲ୍ୟ ମମତା

ସ୍ତିରୀ ରୂପେ ସଦା ପାଳେ ଧର୍ମ ପତିବ୍ରତା ॥

ଦୁହିତା ଭାବରେ ଭକ୍ତି ପ୍ରଦର୍ଶନ କରେ

ନାରୀ ବିନା ନର ରହି ନପାରେ ସଂସାରେ ॥

ସହନଶୀଳ ଗୁଣରେ ଅଟଇ ଧରଣୀ

ଲଜ୍ଜା ଅଟଇ ଭୂଷଣ ଧର୍ଯ୍ୟ ଧାରିଣୀ ॥

ଏମନ୍ତ ଅଟେ ମହିମା ନାରୀ ମାନଙ୍କର

ବିଶ୍ଵ ଧନ୍ୟ ହେବ କଲେ ସୁରକ୍ଷା ତାଙ୍କର. ॥

ଯେଉଁଠି ନାରୀ ସର୍ବଦା ପୂଜା ପାଇଥାନ୍ତି

ତାଙ୍କ ପ୍ରତି ଦେବ ସଦା ପ୍ରସନ୍ନ ହୁଅନ୍ତି ॥