ହେ ବାପୁ ତୁମେ ଚାଲିଗଲା ପରେ
ହେ ବାପୁ ତୁମେ ଚାଲିଗଲା ପରେ
ତୁମ ପ୍ରିୟ ଅତି ଜନନୀ ଭାରତୀ
ଆଜି ତ୍ରାହି ତ୍ରାହି କରେ
ଏ ଦେଶ ଜାତିର ଜନକ ହେବାପୁ
ତୁମେ ଚାଲି ଗଲା ପରେ ।
ଦେଖିଥିଲସ୍ୱପ୍ନ ତୁମ୍ଭ ଥିଲା ମନ
ଗଢିବାକୁ ରାମ ରାଜ୍ୟ
ତୁମ୍ଭ ସେହିସ୍ବପ୍ନ ସ୍ୱପ୍ନରେ ରହିଲା
ଘଟୁଛି ଅନୀତି କାର୍ଯ୍ୟ ।
ଦେଇଥିଲଦୀକ୍ଷା ଗୁରୁ ମନ୍ତ୍ର ଶିକ୍ଷା
ଦୟାକ୍ଷମା ସତ୍ୟବାର୍ତ୍ତା
ଭ୍ରାତୃ ମୈତ୍ରୀ ଶାନ୍ତି ସଦଭାବ ପ୍ରୀତି
ଅହିଂସାର ହୁଏ ହତ୍ୟା ।
ସ୍ୱାର୍ଥ ଦେବତାର ବିକଟ ଚିତ୍କାର
ପୂରେ ନାହିଁ ତା' ଉଦର
ମୋ ମନ ଆତୁର ଶିକ୍ଷିତ ନର ର
ପ୍ରକୃତି ଦେଖି ବର୍ବର ।
ଲଭିଛନ୍ତି ଶିକ୍ଷା ମାତ୍ର ନାହିଁ ଦେଖା
ସଭ୍ୟ ମାନବ ସଂସ୍କାର
ଅଶାନ୍ତିରେ ନିତି ଦିନ ଯାଏ ବିତି
ବଢି ଚାଲେ ଅତ୍ୟାଚାର ।
ନାରୀ ପ୍ରତିଏଠି ପଡେ କୋପ ଦୃଷ୍ଟି
ବସ୍ତୁବାଦୀ ମଣିଷର
ରାଜନୀତି ପାଇଁ ଟଣାଟଣି ହ୍ୱନ୍ତି
ଘୃଣା କରି ପରସ୍ପର ।
ଦେଶ ପ୍ରୀତି ହୁଏ ପ୍ରହସନ ମାତ୍ର
ଶତୃ ହୁଏ ଆପଣାର
ଜାତୀୟ ସଂହତି ମନୁ ଭୁଲି ଯାନ୍ତି
ବସ୍ତୁ ଦାଦୀ ସ୍ଵାର୍ଥ ନର ।
ସ୍ଵାଧୀନତା ବୋଲି କରନ୍ତି ବୋବାଳି
ଦ୍ଵାହି ଦେଇ ସମ୍ବିଧାନ
କରିବାକୁ ଭଙ୍ଗ ଜନନୀର ଅଙ୍ଗ
ରଚୁଛନ୍ତି ଦଙ୍ଗା ମାନ ।
ସ୍ଵାର୍ଥ ମଦେ ଅନ୍ଧ ହୋଇଣଧର୍ମାନ୍ଧ
ଭୁଲି ଅତିତ ଏକତା
ଜାତି ଧର୍ମ ଘେନି ହ୍ୱନ୍ତି ଟଣାଟଣି
ମୋତେ ଲାଗେ ଗୁରୁଚିନ୍ତା ।
ଗଣତନ୍ତ୍ର ଆଜି ସ୍ଵାର୍ଥ ତନ୍ତ୍ର ସାଜି
ହୋଇଅଛି କଳୁଷିତ
ସିଂହ ବଦଳରେ ଶୃଗାଳ ବନରେ
ରାଜା ରୂପେ ବିଭୂଷିତ ।
ତେଣୁ ହେ ବାପୁଜୀ ଆସିଣ ବାହୁଡ଼ି
ଦେଖାଅ କର୍ତ୍ତବ୍ୟ ପଥ
ଭାରତ ନାଆଁରେ ବିଶ୍ଵ ଦରବାରେ
ଗଡିବ ଧରମ ରଥ ।