ଲାଇବ୍ରେରୀ
ପ୍ରୋଫାଇଲ୍
ନାରୀ
ନାରୀ
1 min
169
ପୃଥିବୀର କେନ୍ଦ୍ରବିନ୍ଦୁ ଉପରେ
ତୁମେ ଦୀପଶିଖାଟିଏ
ଅନ୍ଧାରରେ ରହି
ଅନ୍ୟକୁ ଆଲୋକ ଦେଖାଇବାର
ଆସ୍ପର୍ଦ୍ଧାଟିଏ
ଏ ପୃଥିବୀ ତ କେବଳ ତୁମରି ଆଉ
ତୁମରି ଦାନରେ
ସୌନ୍ଦର୍ଯ୍ୟର ସତ୍ତାଟିଏ
ଏ ସାରା ସଂସାର ତ ଖାଲି
ତୁମରି ଦାନର ଅବଦାନ
ତୁମେ ହିଁ ତ ସଂସାର ବଗିଚାକୁ
ସରସ ସୁନ୍ଦର କରି ଗଢ଼ି ତୋଳିଚ
ତୁମରି କର କମଳରେ
ତୁମେ ପରା ନାରୀ
ଏ ସାରା ସୃଷ୍ଟିର ଆଧାର
ଅନ୍ୟକୁ ହସାଇବାର ଲକ୍ଷ୍ୟରେ
ତୁମ ଓଠରେ ଫୁଟେ ହସର କବିତା
ସଂଘର୍ଷ ପଥରେ ଚାଲିବାକୁ
ତୁମ ପାଦେ ଥୟଧରେ
ଅବିଶ୍ରାନ୍ତ ରାସ୍ତା
ହେ ନାରୀ !
ତୁମେ ସ୍ୱୟଂସିଦ୍ଧା
ସ୍ୱୀକାର ଏ ଯୁଗର ଆହ୍ୱାନ
ତୁମ ପଣତକାନି ହେଉ
ପବିତ୍ର ପତିତପାବନ
ତୁମେ ଏବେ ଉନ୍ମୁକ୍ତ କର
ହୃଦୟର ରୁଦ୍ଧ ଦ୍ୱାର
ଦେହରେ ମନରେ ଭରିଯିବ
ନବ ଉନ୍ମେଷର ଶତ ଶିହରଣ...!!!
