ଲାଇବ୍ରେରୀ
ପ୍ରୋଫାଇଲ୍
ଠିକ୍ ଆଗ ପରି
ଠିକ୍ ଆଗ ପରି
1 min
374
ଟିକିଏ ଏପାଖ ସେପାଖ କରିଦେଲେ
ମିଛଟା ସତ ହୋଇଯାଏ
ଏକଥା ମୁଁ ଜାଣେ
ସତ ବି ପାଲଟିଯାଏ ଅର୍ଦ୍ଧସତ୍ୟ
ବଦଳିଯାଏ
ଆଶା ଆକାଂକ୍ଷାର ଦାୟବଦ୍ଧତା
ଠିକ୍ ଆଗ ପରି....!!
ସେଇଥିପାଇଁ ତ
ଆଖି ଯେଉଁଠିକୁ ପାଇବ ନାହିଁ
ମୁଁ ସେଇଠି ଅଛି
ମିଛ ସ୍ବପ୍ନକୁ ସତମଣି
ମିଛ ଖୁସିକୁ ସାଉଁଟି ନେଇ
ଜୀବନ ଜିଉଛି
ଠିକ୍ ଆଗ ପରି..!!
ରାମରାଜ୍ୟ ତଲାସ କରୁ କରୁ
ମୁଁ ଅଣ୍ଡାଳିଆଣେ
ଅନେକ ସତ୍ୟ ବହୁବାର
ବିବାକ୍ ଅସତ୍ୟ ଭିତରୁ
ଖୋଜି ପାଏ ଆଲୋକର ସତ୍ତା
ବହଳ ଅନ୍ଧାର ଭିତରୁ
ଠିକ୍ ଆଗ ପରି...!!
ସମ୍ଭାବନାକୁ ପୁଟ ଦେଇ ମାଖିଦିଏ
ତା'ର ଛାଞ୍ଚ ଦେହରେ
ଠିଆ କରେଇ ଦିଏ
ବାସ୍ତବ ଜୀବନରେ ପରି ଆଢ଼ୁଆଳରେ
ଠିକ୍ ଆଗ ପରି..ll
