ନାରୀ ତୁ ସ୍ୱାଧୀନ

କାପୁରୁଷ ସିନା ମୁରୁଖ ଅଟନ୍ତି

ମିଛରେ କୁହନ୍ତି ତତେ ଦୁର୍ବଳ

ପାସୋରି ଦିଅନ୍ତି ମହିଷାସୁରକୁ

କେମିତି ମାରିଲା ନଥିଲା ବଳ l

ନାରୀ ତୁ ଅଟଇ ପୁରା ଯେ ସ୍ୱାଧୀନ

ମୋ ଦେଶ ମାଆର କୋଳରେ

ଡ଼ରିବୁନି କେବେ ହାରିବୁନି କେବେ

ଖେଳିବୁ ନିଆଁରେ ଜଳରେ l

ଖରାପ ନଜରେ ଯିଏ ବି ଦେଖିବ

ଆଖି ଦେବୁ ତାର ଟାଣି

ଜାଣିବ ରାକ୍ଷସ ନାରୀର ମହିମା

ଦେଖାଇଦେବୁ ତୋ ଠାଣି l

କିଏ କହେ ତତେ ଦୁର୍ଗାର ସ୍ୱରୂପ

କିଏ କହେ ମହାକାଳୀ

ଆତ୍ମରକ୍ଷା ପାଇଁ ଲଢ଼ିବୁ ଜୀବନେ

ବଲାତ୍କାରୀକୁ ଦେବୁ ଜୀବନେ ଜାଳି l