ନାରୀ ଓ ସମାଜ
ନାରୀ ଓ ସମାଜ
ମହିଳା କେବେ ଥିଲା
ଏଇ ସମାଜରେ ଅବଳା -ଦୁର୍ବଳା,
ବର୍ତ୍ତମାନ ସେ ଅଣ୍ଟା ଭିଡିଛି,
ନିଜେ ସ୍ୱାବଲମ୍ବୀ ହେବାପାଇଁ,
ପୁରୁଷର କାନ୍ଧରେ କାନ୍ଧ ମିଳାଇ
ସେ ସମସ୍ତ କ୍ଷେତ୍ରରେ
ସମାନତା ହାସଲ କରିଲାଣି
ଯୁଗ ବଦଳି ଗଲାଣି ।।
କେବେ ସାଥୀ-ସହପାଠୀ-ସହକର୍ମୀ,
କେବେ ସମାଜକୁ
ଆଗକୁ ବଢ଼ାଇବା ପାଇଁ
ସେ ସାଜେ ସହଧର୍ମିଣୀ,
ତ୍ଯାଗ ତ ନାରୀର ଚରିତ୍ର
ପୁଣି ଏବେ ସେ ନିଜ ହିପାଜତ
ନିଜେ କରିବା ତଥା ଦେଶର
ସୁରକ୍ଷା ପାଇଁ ବୀରାଙ୍ଗନା ବନିଲାଣି
ଯୁଗ ବଦଳି ଗଲାଣି ।।
ଘରୁ ବାହାରି ମଥାର ଓଢ଼ଣା ଛାଡ଼ି
ହେଲମେଟ୍ ପିନ୍ଧି ମୋଟର ସାଇକେଲ୍
ତ କେବେ ଗାଡ଼ି ଚ଼ଲାଇ
ଲକ୍ଷ୍ୟସ୍ଥଳକୁ ପହଞ୍ଚିଲାଣି ।।
ସାହି, ସମାଜ,ରାଜ୍ୟ,ଦେଶର
କୃଷି, ଶିକ୍ଷା, ବିଜ୍ଞାନ କ୍ଷେତ୍ରର
ସମସ୍ତ କାର୍ଯ୍ୟରେ ଆଗେଇ
ଅନ୍ୟ ଗ୍ରହର ଅକ୍ଷାଂଶ ଦ୍ରାଘିମା ମାପି
ବିଶ୍ବ ପ୍ରସିଦ୍ଧ ହେଲାଣି
ଯୁଗ ବଦଳି ଗଲାଣି ।।