ଲାଇବ୍ରେରୀ
ପ୍ରୋଫାଇଲ୍
ମୁଁ ଛାର ମଣିଷ
ମୁଁ ଛାର ମଣିଷ
1 min
214
ମୁଁ ଛାର ମଣିଷ
ମୋ ଉପରେ ନାହିଁ
ମୋର ଭରସା ବିଶ୍ୱାସ
ଅନ୍ଧାର ପଥେ ମୁଁ
ଏକା ଏକା ଚାଲି
ହେଉଛି ଖାଲି ନିରାଶ।୦।
ପ୍ରଭୁ ଜଗନ୍ନାଥ
ଅନାଥର ନାଥ
ଭରି ଦିଅ ହେ ସାହସ
ତୁମେ ଜଗଦୀଶ
ସତ୍ୟର ଆଲୋକ
ମୋ ଜୀବନର ପ୍ରକାଶ।୧।
ମିଛ ମାୟା ମୋହେ
ପଡି଼ ରହି ବାରେ
ହେଉଛି ମୁଁ ଯେ ବିବଶ
ତୁଚ୍ଛା ଆଶା ମୋର
ବଢାଉଛି ଲୋଭ
ଜ୍ଞାନ ବୁଦ୍ଧି ହୁଏ ନାଶ।୨।
ଚରଣେ ଶରଣ
ଦିଅ ପ୍ରଭୁ ମୋତେ
ମୁଖେ ଫୁଟି ଉଠୁ ହସ
ଭକ୍ତି ଚିତ୍ତେ କରେ
ତୁମକୁ ପ୍ରଣାମ
ମୋତେ ଦିଅ ହେ ଆଶିଷ।୩।
