ସଂପର୍କ

ଦୁଇଟି ଜୀବନ      ଅନ୍ତ ଗହ୍ୱରର

     ଖୋଦିତ ସୁବର୍ଣ୍ଣ ଲେଖା 

ନିବିଡ ବନ୍ଧନେ   ବନ୍ଧା ସେ ଜୀବନେ

     ସମ୍ପର୍କର ନାମ ଏକା ।

"ସ" ଅକ୍ଷରଟି        ସୁଦୃଢ଼ ରଜ୍ଜୁଟି

      ପରସ୍ପରରେ ବାନ୍ଧେ ଏକ

ଛିଣ୍ଡିଲେ ରଜ୍ଜୁଟି     ସଂପର୍କ ତୁଟେଟି

      ଦିଶେ ଅବସାଦ ମୁଖ ।

"ମ" ଅକ୍ଷରରେ     ମମତା କବଳେ

     ଗଢେ ସମ୍ପର୍କର ସେତୁ

ତୁଟିଲେ ମମତା     ସବୁ ହୁଏ ପିତା

     ଘଡିକେ ବଦଳେ ୠତୁ ।

"ପ" ପବିତ୍ରତା     ଭରେ ଅନୁଚିନ୍ତା 

     ଦୁହିଁଙ୍କ ମଙ୍ଗଳ ସାଧେ

ସମ୍ପର୍କେ ପବିତ୍ର    ହେଲେ ଅପବିତ୍ର

     ଉଭୟ ଅନ୍ତର ବାଧେ ।

"ର" ଅକ୍ଷରଟି     ରିକ୍ତକୁ ବିଝାଏ

      ନିଃସ୍ୱାର୍ଥପରତା ମୂଳ 

ସମ୍ପର୍କେ ସାହାଯ୍ୟ    ସହାନୁଭୂତିର

    ଖୋଜେନି କେବେ ସେ ମୂଲ ।

"କ" ରେ କଲ୍ୟାଣ  ସଦା ଆଣେ ମନ 

     ସୁସମ୍ପର୍କେ ସୁଚିନ୍ତନ

ସମ୍ପର୍କେ ମଙ୍ଗଳ     କାମନା ବିହିତ 

      ହୁଏ ଅତୁଟ ବନ୍ଧନ ।

ଦେଶ ଦେଶ ମଧ୍ୟେ  ଜାତି ଜାତି ମଧ୍ୟେ

      ମନ ମନ ମଧ୍ୟେ ଭାବ

ସମ୍ପର୍କର ଡୋରି    ବାନ୍ଧେ ଏକ କରି 

      ମିଳେ ସୁଖ ପରାଭବ।