ବାଲ୍ମୀକି ବନ୍ଦନା

ବନ୍ଦଇ ବାଲ୍ମୀକି ମହା ମୁନୀ ଆଦି କବି l

ଆର୍ଯ୍ୟାବର୍ତ୍ତେ ବୁହାଇଲ ଭକ୍ତିର ଜାହ୍ନବୀ ll

ତମସା ତଟରେ ଦେଖି କ୍ରୋଉଞ୍ଚର ବିକଳ l

ଶୋକ ଗଦ ଗଦ କଣ୍ଠେ ପଂକ୍ତିଏ ଲେଖିଲ ll

ଶୋକୁଜାତ ସେହି ପଂକ୍ତି ଭବେ ଆଦିଶ୍ଳୋକ l

ଜୟ ସୁମାଳୀ ନନ୍ଦନେ ଜୟ ପୁଣ୍ୟ ଶ୍ଳୋକ ll

କଥା ଅଛି ଦସ୍ୟୁ ରତ୍ନାକର ମହା ପାପୀ l

ମହାକବି ବାଲ୍ମୀକି ଓଲଟା ରାମ ଜପି ll

ଦିବ୍ୟଦୃଷ୍ଟି ବଳେ ଦେଖି ରାମକଥା ମାନ l

ରଚିଗଲ ପୂଣ୍ୟ କାବ୍ୟ ଶୀରି ରାମାୟଣ ll

ଆଶ୍ରମେ ନିବାସକଲେ ସୀତା ନିର୍ବାସିତା l

କାଳେ ହେଲେ ଯମଜ ସନ୍ତାନଙ୍କର ମାତା ll

କୁଶ ଲବେ ବାଲମୀକି ଦେଇ ସର୍ବ ଜ୍ଞାନ l

ଶିଖାଇଲେ ପୁଣ୍ୟକାବ୍ୟ ରାମାୟଣ ଗାନ ll

ଶ୍ରୀରାମଙ୍କ ଅଶ୍ୱମେଧ ଯଜ୍ଞ କାଳେ ଯାଇ l

ଚମତ୍କୃତ କଲେ ସଭା ରାମାୟଣ ଗାଇ ll

ଶ୍ରୀରାମ ଚିହ୍ନିଲେ ମୋର ପୁତ୍ରମାନେ ଏହି l

ବସୁଧା ବିଦୀର୍ଣ୍ଣହୋଇ ପଶିଲେ ବୈଦେହୀ ll

ନମଃ ମହାକବି ମହା କାବ୍ୟ ରାମାୟଣ l

ରାମ ଜାନକୀ ଭରତ ସୌମିତ୍ରୀ ଶତ୍ରୁଘ୍ନ ll