લાઈબ્રેરી
પ્રોફાઈલ
ନାରୀ ନାରାୟଣୀ
ନାରୀ ନାରାୟଣୀ
1 min
185
ନାରୀ ଦୟାମୟୀ ନାରୀ କ୍ଷମାମୟୀ
ବିଶ୍ବରେ ସେ ବନ୍ଦନୀୟା
ନୁହେଁ ସେ ଅବଳା ନୁହେଁ ସେ ଦୁର୍ବଳା
ଜଗତରେ ଅଦ୍ବିତୀୟା।
ନାରୀ ସ୍ନେହମୟୀ ନାରୀ ପ୍ରେମମୟୀ
ସହନଶୀଳାରେ ଭରା
ସବୁ ଦୁଃଖ କଷ୍ଟ ନିଜେ ସହିନିଏ
ସତେ କି ସେ ବସୁନ୍ଧରା।
ସେ ଅଟେ ଜନନୀ ସେ ଅଟେ ଭଗିନୀ
ବନିତା ପୁଣି ଦୁହିତା
ସୃଷ୍ଟିର ସର୍ଜନା ଅଧୁରା ରହିବ
ନାରୀ ହେଲେ ଉପେକ୍ଷିତା।
ଶାନ୍ତିର ମୂରତି କ୍ଷମାର ସେ ଦାତ୍ରୀ
ତା' ଋଣ କିଏ ଶୁଝିବ
ସିଏ ଜନ୍ମଦାତ୍ରୀ ସିଏ ରକ୍ଷାକର୍ତ୍ତୀ
ତା' ବିନା ସୃଷ୍ଟି ନୋହିବ।
ନାରୀର ସମ୍ମାନ ନାରୀର ସୁରକ୍ଷା
ଜଗତ କଲ୍ଯାଣ ପାଇଁ
ନାରୀ ମହିୟସୀ ନାରୀ ଗରିୟସୀ
ସିଏ ତ କଲ୍ଯାଣମୟୀ।
ଆଜିର ସମାଜ ନାରୀ ନାରାୟଣୀ
କାଗଜ କଲମେ କହେ
ରାଜ ରାସ୍ତାରେ ଭୋଗ୍ଯ ବସ୍ତୁ କରି
କଳଙ୍କିନୀ ଆଖ୍ଯା ଦିଏ।
ଶାସ୍ତ୍ର ପୁରାଣରେ ଅତୀତ ପୃଷ୍ଠାରେ
ନାରୀର ମର୍ଯ୍ଯାଦା ଥିଲା
ଏ ଘୋର କଳିରେ ନାରୀର ମର୍ଯ୍ଯାଦା
ମାଟିରେ ତ ମିଶିଗଲା।
