ଶିଶୁ ରାଇଜ
ଶିଶୁ ରାଇଜ
ରାତ୍ରିର ବିଦାୟ ଉଷାର ପ୍ରବେଶ
ଦିଅଇ ଶୁଭ ସୁଚନା
ଜୀବନ ର ଉଷା ଶିଶୁ ଟିଏ ପରା
ମହକେ ଘର ଅଗଣା।
ଆଜିର ଶିଶୁ ଯେ କାଲିର ଭବିଷ୍ଯ
ସଭିଙ୍କୁ ଏ କଥା ଜଣା
ଭଲଭାବେ ତାକୁ ସଂସ୍କାର ନ ଦେଲେ
ହୋଇଯିବ ବାଟବଣା।
ମାଟିର ପିଣ୍ଡୁଳା ପରି ଶିଶୁ ମନ
ଶ୍ରଦ୍ଧା ସ୍ନେହ ତାକୁ ଦେଇ
ଯେମିତି ଗଢିବା ସେମିତି ପାଇବା
ଶୁଦ୍ଧ ପରିବେଶ ନେଇ।
ଫୁଲ ର କଢି ସେ କପଟ ଜାଣେନା
ପାଳିବା ଦେଇ ଆଦର
ମାଆ ର ଭୂମିକା ମହତ୍ତ୍ବ ତା'ପାଇଁ
ମା ଠାରୁ ଶିଖେ ସଂସ୍କାର।
ବାଲ୍ଯକାଳୁ ମାତା ପ୍ରଥମ ଗୁରୁଜୀ
ଲାଳନ ପାଳନ କରେ
ଅବୁଝା ହେଲେ ବି ଭାଷା ଟି ତାହାର
ମାଆ ସବୁ ବୁଝି ପାରେ।
ମାଆ ର ଆକଟ ଭବିଷ୍ଯତ ଗଢେ
ଶିଶୁ ଟି ସଂସ୍କାରୀ ହୁଏ
ଆକଟ ନ କଲେ ପଥ ହୁଡିଯାଏ
ଭବିଷ୍ଯ ଅନ୍ଧାର ହୁଏ।