ଲାଇବ୍ରେରୀ
ପ୍ରୋଫାଇଲ୍
ନାନା ରୂପେ ନାରୀ
ନାନା ରୂପେ ନାରୀ
1 min
142
ନାରୀ କେବେ ସୁଖ ଦୁଃଖ
ସାଥୀ ହୁଏ ସ୍ୱାମୀର
କେବେ ମାଆ ହୋଇ ସନ୍ତାନକୁ
ଦିଏ ବକ୍ଷରୁ କ୍ଷୀର
ବାପ ଘରେ କିଛି ଦିନ
ରହିଥାଏ ଝିଅ ହୋଇ
ବୋହୂ ହେଲା ପରେ ଚଳେ
ସଭିଙ୍କର ମନ ନେଇ
ଦୁଇ କୁଳ ହିତ ପାଇଁ
ନିଏ ନାରୀ ଜୀବନ
ନାରୀଙ୍କୁ ସମ୍ମାନ ଦେଲେ
ବଢ଼େ ଦେଶର ମାନ ।
ନାରୀ ସାଥେ ବ୍ୟଭିଚାର
କରିଥାଏ ଯେଉଁ ନର
ଶାନ୍ତିରେ ରହେନି କେବେ
ହୁଅଇ ସେ ନାରଖାର
ଯାଚିଲେ ଅମୃତ ବାରି
ଲାଗେ ତାକୁ ବିଷପରି
ଭୁଲି ପାରେ ନାହିଁ ନାରୀ
ସେହି ଅଭୁଲା ଚିହ୍ନ
ନାରୀଙ୍କୁ ସମ୍ମାନ ଦେଲେ
ବଢ଼େ ଦେଶର ମାନ ।
ନାରୀ ଓଠେ ହସ ଦିଏ ଯେ ପୁରୁଷ
ବରଷକ ବାରମାସ
ସେ ହସରୁ ଝରେ ସରଗ ସୁଷମା
ଦେବତା ହୁଅନ୍ତି ବଶ
ନଭାବ ଦୁର୍ବଳା ନାରୀ
ଦିନେ ଦୁର୍ଗା ରୂପ ଧରି
କରିଥିଲେ ମହୀରୁ ସେ
ଦୁଷ୍ଟ ପାପୀ ନିଧନ
ନାରୀଙ୍କୁ ସମ୍ମାନ ଦେଲେ
ବଢେ ଦେଶର ମାନ ।
