ନାଁ ଟି ମୋର ଗରିବ

ଖରା ବର୍ଷା ଶୀତ କାକର

ସହ ମୋର ଭାବ

ନା ମୋର ଅଛି ନଭଶ୍ଚୁମ୍ବୀ ଅଟ୍ଟାଳିକା

ନା ଶୀତ ତାପ ନିୟନ୍ତ୍ରିତ ଘର

ନା ଅଛି ଗାଡି, ଘୋଡା, ମଟର

ନା ଅଛି କଛି ସଂପତ୍ତି ସ୍ଥାବର ଅସ୍ଥାବର

ମୋର ଧନରେ ନଥାଏ ଲୋଭ 

ନାଁ ଟି ମୋର ଗରୀବ ।

ନା ମୋର କିଛି ଅଛି ଆଶା

ନା କିଛି ଅଭିଳାଷ

ନା ଦେଖେ ମୁଁ ସ୍ବପ୍ନ

ନା ପୂରଣ କରେ ସମ୍ଭାବନା

କାମରେ ନଥାଏ ମୋର ଲାଜ

ଅବା ଭେଦଭାବ

ନା ମୋତେ ଛୁଇଁପାରେ ଅହଂକାର 

ନା ମୋର ଥାଏ ଗର୍ବ

ଏହି ତ ମୋର ସ୍ବଭାବ

ନାଁ ଟି ମୋର ଗରୀବ

ଆନ ପାଇଁ ମୋର ଜନ୍ମ

କେବେ ମୁଁ ଫୁଟ୍ ପାଥ୍ ରେ

ଗୋଟାଏ ଜରିକାଗଜ

କେବେ ଇଟାଭାଟି ଘର ତୋଳା

ଅବା ରାସ୍ତା ଗଢିବା ମୋର କାର୍ଯ୍ୟ 

କେବେ ମୁଁ ଯାଏ ମୂଲ ଲାଗି

ପର ଘର କରିବାକୁ ସଜ

ମୁଁ କେବେ ଖୋଜେ ନାହିଁ ମୋର ଭାଗ

ନାଁ ଟି ମୋର ଗରୀବ ।

ରୋଗ, ଶୋକ, ଦୁଃଖରେ

ଭରା ମୋର ଜୀବନ

ସୂର୍ଯ୍ୟର ଆଲୋକ

ତୋଫା ଜହ୍ନର ଆକାଶ

ଦେଖୁଥାଏ ସଦା ମୋର ଘର

ମାନ ସମ୍ମାନ ସୁଖ କାମନାକୁ

ନଥାଏ ମୋର ଖାତିର

ଭୋଗ ବିଳାସର ଜୀବନ ଚାହେଁନା

କରୁଥାଏ ସଦା ତ୍ଯାଗ

ବେଳେ ବେଳେ ଜୀବନ ଥାଇ ବି

ପାଲଟି ଯାଏ ମୁଁ ଶବ

ନାଁ ଟି ମୋର ଗରୀବ ।।