ନାଲି ରଙ୍ଗ

ରଙ୍ଗଙ୍କ ଭିତରେ ନାଲିଟି ସାର

ପ୍ରତିବଦ୍ଧତାକୁ କରେ ପ୍ରଚାର ।

ପ୍ରେମର ଭାବନା ଏହା ଭିତରେ

ପ୍ରେମିକାର ପାଇଁ ଏ ଉପହାର।

ନାଲିଆ ଗୋଲାପ କେତେ ସୁନ୍ଦର

ନାଲି ମନ୍ଦାରଟି ବି ମନୋହର ।

ନାଲି ଟୁକୁ ଟୁକୁ ସାଧବ ବୋହୁ

ନାଲି ମୁରୁଜଟି ବଡ ସୁନ୍ଦର।

ରକତ ଆମର ନାଲିଆ ବହେ

ଗୋଟିଏ ରଙ୍ଗ ତା ସଭିଙ୍କ ଦେହେ ।

ନାଲି ପତାକା ବିପଦ ସୂଚାଏ

ଟ୍ରେନ ଆସୁଥିଲେ ଅଟକି ଯାଏ।

ନାଲି ଓଠ ଦିଶେ ସୁନ୍ଦର ଭାରି

କାଳିଆ ହସ ତ ପ୍ରିୟ ସବୁରି ।

ନାଲି ପାଟ ପିନ୍ଧି ସୁନ୍ଦର ବୋହୁ

ନାଲି ଓଢଣୀଟେ ମଥାରେ ଥାଉ।

ସଧବା ନାରୀର ନାଲି ସିନ୍ଦୁର

ମଥାପରେ ଦିଶେ କେତେ ସୁନ୍ଦର ।

ପ୍ରତୀକ ସିଏ ଜୀବନ୍ତ ସ୍ବାମୀର 

ବିଧବାକୁ ମନା ସିନ୍ଦୁର ଗାର।

ଦେବାଦେବୀଙ୍କର ପ୍ରିୟ ଏ ରଙ୍ଗ

ନାଲି ଶାଢୀ ଆଉ ସିନ୍ଦୁର ସଙ୍ଗ ।

ହନୁମାନ ବୋଳି ହୋଇ ସିନ୍ଦୁର

ରାମଙ୍କର ପ୍ରିୟ ସେ ମହାବୀର।

କେତେ ଫଳ ପାଚି ଦିଶଇ ନାଲି

ନାଲି ହେଲେ ଜାଣୁ ପାଚିଲା ବୋଲି ।

ଉଦୟ ସୂର୍ଯ୍ୟାସ୍ତ ଭାନୁଙ୍କ ରଙ୍ଗ

ନାଲି ଜରଜର କି ମନୋହର।

ପାଚିଲା ଫଳଟେ ଭାବିଲା ହନୁ

କରିଥିଲେ ଗ୍ରାସ ଦେଖି ସୁନ୍ଦର।