ନାଗାର୍ଜୁନ ବେଶ
ନାଗାର୍ଜୁନ ବେଶ
ବିଭିନ୍ନ ଜାତି ସଂସ୍କୃତି ଆଦିବାସୀ ଜନଜାତି
ବୀର ବେଶେ ନାଗା ଜଗେ ଜାଣ ମନ୍ଦିର
ଅନ୍ତର୍ଯ୍ୟାମୀ ରଘୁବୀର ଶୁଣିଯେ ଭାବ ନାଗାର
ସାମରିକ ବେଶ ଧରେ ସେ ବଂଶୀଧର
ନାଗାର୍ଜୁନ ବେଶ ଧରିଣ
ଦର୍ଶନ ଦିଅନ୍ତି ପ୍ରଭୁ ମଧୁସୂଦନ l
ପଞ୍ଚୁକଯେ ପାଞ୍ଚ ଦିନ ମଳମାସେ ଛଅଦିନ
ପୂର୍ଣ୍ଣମୀ ପୂର୍ବର ବେଶ ସେ ନାଗାର୍ଜୁନ
ମୁଣ୍ଡରେ ହାଣ୍ଡିଆ, ଫୁଲ ହାତରେଯେ ଓଲମାଳ
କାଣ୍ଡଧନୁ ସ୍କନ୍ଧ ଦେଶେ କରି ଧାରଣ
ନାଗାର୍ଜୁନ ବେଶ ଦର୍ଶନେ
କୋଟି ପୁଣ୍ୟ ଫଳ ମିଳେ ସେ ଭକ୍ତଜନେ l
ପର୍ଶୁରାମ ମହାବୀର ବିଷ୍ଣୁଙ୍କର ଅବତାର
ବଧିଲେ ସାହସ୍ରାର୍ଜୁନ କରି ସମର
ବଳଭଦ୍ର ଜଗନ୍ନାଥ ଧରି ବୀର ବେଶ ସେତ
ସ୍ମାରକୀ ରଖିଲେ ପ୍ରଭୁ ସେ ଵୀରତ୍ୱର
ନାଗାର୍ଜୁନ ପିତା ଅର୍ଜୁନ
ସମରେ ପରାସ୍ତ କରେ ସାହସ୍ରାର୍ଜୁନ l
ଶ୍ରୀକୃଷ୍ଣ ସାହସ୍ରାର୍ଜୁନ ଶିବଯେ କିରତାର୍ଜୁନ
ଶିବ ବିଷ୍ଣୁ ବେଶ ସେତ ସେ ନାଗାର୍ଜୁନ
ନାଗା ବେଶେ ଭକ୍ତଜନ ଉତ୍କଳୀୟ ପରିଧାନ
କ୍ରୀଡା, ରଣ କଳା କରେ ସେ ପ୍ରଦର୍ଶନ
ନାଗାର୍ଜୁନ ବଧ ସାଧନ
ଉତ୍ସବ ପାଳଇ ଭକ୍ତ ଯାଇ ଶରଣ l
ଅପେକ୍ଷାରେ ବହୁଦିନ ଆସେ ବେଶ ନାଗାର୍ଜୁନ
ପୁଣ୍ୟବାନ ନର ଆଖି କରେ ଦର୍ଶନ
ଜଗତ କରତା ହରି ସବୁ ପାପ ହରେ ହରି
ବୈକୁଣ୍ଠେ ଦିଅନ୍ତି ସ୍ଥାନ ସେ ଶ୍ୟାମଘନ
ନାଗାର୍ଜୁନ ବେଶ ଦେଖିଣ
ସନ୍ତୋଷିତ ହୃଦେ ଭରେ ତା ମନପ୍ରାଣ l