ଲାଇବ୍ରେରୀ
ପ୍ରୋଫାଇଲ୍
ନାଚିବାକୁ ଇଛା
ନାଚିବାକୁ ଇଛା
1 min
146
ନାଚିବାକୁ ଇଚ୍ଛାହୁଏ
ହୃଦୟ ମୃଦଙ୍ଗ ତାଳେ
ଧକ୍ ଧକ୍ ତାକ୍ ତାକ୍
ଧକ୍ ଧକ୍ ତାକ୍ ତାକ୍
ମର୍ମନ୍ତୁଦ କାନ୍ଦର
କଇଁ କଇଁ ସ୍ୱର ଦେଇ
କଣ୍ଠ ରୁଦ୍ଧ ଆବାଜ୍ ର
ସୁଉଁ ସୁଉଁ ତାନେ ।।
ନାଚିବାକୁ ଇଚ୍ଛା ହୁଏ
ନିର୍ଜନ ସ୍ମଶାନର
ନିଛାଟିଆ ଶବଦାହ
ପାଉଁଶ ଉପରେ
ପାଦ ପଶି ଯାଉଥିବ
ପାଉଁଶ ଦେହରେ
ଚିତ୍କାର ଶୁଭୁଥିବ
ପୋଡିଲା ଅସ୍ଥିର ।।
ନାଚିବାକୁ ଇଚ୍ଛାହୁଏ
ନିଘଞ୍ଚ ଅରଣ୍ୟେ
ମଣିଷ ଖିଆ ର ସାଥେ
ଘନ ଅରଣ୍ୟରେ ।।
ନାଚିବାକୁ ଇଛା ହୁଏ
ମାନବ କନ୍ଦରେ
ଏଠି ବି ଶ୍ମଶାନ ପାଉଁଶ
ଉଡେ ଦିବା ନିଷି
ପୁଞ୍ଜା ପୁଞ୍ଜା ମେଞ୍ଚା ମେଞ୍ଚା
କୁଢ଼ କୁଢ଼ ଅସ୍ତିର ଅରଣ୍ୟ ।।
ନାଚିବାକୁ ଇଚ୍ଛା ହୁଏ
କଣ୍ଟା ଲଗା ଶୃଙ୍ଖଳ ଟେ ଧରି
ଶରୀରକୁ କରି କ୍ଷତ କ୍ଷତ
ଝର୍ଝରି ଖସୁଥିବ
ଲହୁ ଟୋପା ଟୋପା
ଅସମ୍ଭାଳ ଅକୁହା
ମୋ ନାଟକ' ଦେଖିବାକୁ ଆସ
ଭିଡ଼ ଲାଗିଅଛି ଆଜି
ନାରୀର ଆଂଚଳେ
ଭିଡ଼ ଲାଗିଅଛି ଆଜି
ଜୀବନ କନ୍ଦରେ ।।
