ନା ନା ନା

ନା ନା ନା ତୁ ଅନା ଛୁଆନା ଛୁଆନା

ନିଆଁକୁତ କରୁ ନା ନା

ଆଗ୍ରହେ ଚକିତ ଛୁଇଁବାକୁ ସେତ

ଶିଶୁ ଚାହେଁ କଲେ ମନା l

ନା ନା ତୁ ଧରନା  ବହି ପତ୍ର ମନା

ଚିରିବା ଲାଗି ଧରନା

ଚିରିବା ଫିଙ୍ଗିବା ଧରି ଗୋଟାଇବା

ସେ ପାଇଁ ତାକୁ ଦିଅନା l

ନା ନା ତୁ ଯାଆନା ଦୌଡନା ଦୌଡନା

ପଡି ଗୋଡ଼ ଯିବ ଭାଙ୍ଗି

ଲାଗିଲେ ଆଘାତ କଷ୍ଟ ପାଇବୁତ

ଦୁଷ୍ଟାମୀ ଯିବତ ଭାଙ୍ଗି l

ନା ନା ତୁ କାନ୍ଦେନା ହେଙ୍କା ତୁ ମାରେନା

ଅଝଟ ଜମା ହଅ ନା

ଯାହା ତୁ କହିବୁ ଯାହାତୁ ମାଗିବୁ

ନିଶ୍ଚେ ତତେ ମୁଁ ଦେବିନା l

ନା ନା ପ୍ରତିକ୍ଷଣେ ଶୁଣି ପ୍ରତିଦିନେ

ଶିଶୁ ହୁଏ ଆନମନା

ଚିନ୍ତା ବିପରୀତ କରେ ଅବିରତ

ଅନୁଭୂତି ପାଇଁ ସିନା l

ନା ନା ନା କୁ ସାଥି ଦୂରେ ରଖ ମତି

ଉପଦେଶ ଅକାରଣ

ବାରଣ ଆଗ୍ରହ କରେ ଅହ ରହ

ମନା ପାଇଁ କରେ ଜାଣ l

ନା ନା ନା ନିଶାକୁ ଯେ ପରାମର୍ଶକୁ

ପ୍ରତ୍ୟାକ୍ଷିତ ଆଗ କରେ

ଉତ୍ସାହେ ଆନନ୍ଦେ ନିଶା ପାଣି ଶିଖେ

ଜାଣିବାକୁ ଆଗ୍ରହରେ l

ନା ନା ନା ଦେଖନା ସିନେମା ଦେଖେନା

ଶୁଣି ଶୁଣି ଭାବି ଭାବି

ସିନେମା ଦେଖାକୁ ସଦା ଦେଖିବାକୁ

ଉପାୟ କରେ ସେ ଭାବି l

ନା ନା ହୃଦେ ଧରି ନା କାର୍ଯ୍ୟ ସେ କରି

ଭଲ କର୍ମ ଯାଏ ଭୁଲି

ଭଲ ଉପଦେଶ ଯେ ସୁ ପରାମର୍ଶ

ଅନାଗ୍ରହ ଜପାମାଳି l

ନା ନା ମୁଣ୍ଡେ ତାର ବସା ମନେ ଘର

ମନା କା6ର୍ଯ୍ୟ ଚିନ୍ତେ ମନ

ଆଗ୍ରହ ତାହାର  ବଢେ ନିରନ୍ତର

ଅନାଦୃତ ଯେ ସୁଗୁଣ l