ନ ଖାଇ ପାରିଲେ ଅଙ୍ଗୁର ଖଟା

ସଫଳ ବିଫଳ   ରହିଛି ଯେମିତି

    ପ୍ରତ୍ଯେକ ପ୍ରାଣୀଙ୍କ ପାଇଁ

ଜୀବନରେ ଆସେ   ହାରିବା ଜିତିବା

    କର୍ମ କଉଶଳ ନେଇ। ୧।

ଜୀବନେ ସଫଳ   ପାଇବାକୁ ହେଲେ

    ନିଷ୍ଠାରେ କରମ କରି

ବିଫଳତା ଦିନେ   ସଫଳ ହୋଇବ

   ପ୍ରୟାସ ରଖିଲେ ଜାରି ।୨।

ଅସାବଧାନରେ   ବାଟ ଚାଲୁ ଚାଲୁ

    ଝୁଣ୍ଟି ପଡ଼ିଲେ ବାଟୋଇ

ଅଯଥା ଅନ୍ଯକୁ   ଦୋଷ ଦେଇ କହେ 

    ଏହିବାଟ ଭଲ ନାହିଁ।୩।

ନୃତ୍ଯ କଳାରେ   ଯେ ଅପାରଗ ଥାଏ

     ମୂଲ୍ଯହୀନ କଥା କହେ

ନିଜେ ସେ ନିଜକୁ   ପ୍ରତାରଣା କରେ

    ଅଗଣାକୁ ଦୋଷ ଦିଏ ।୪।

ପାଚିଲା ଅଙ୍ଗୁର.  ଖାଇ ନ ପାରିଲେ

    ଅଙ୍ଗୁର ଖଟା ହୁଏନା

ଆପଣା ମନକୁ   ସାନ୍ତ୍ବନା ଦେବାକୁ

    ବିଲୂଆର ଏ ବାହାନା ।୫।

କରିବା କାମକୁ   କରି ନ ପାରିଲେ

    ଫଳ ହାତ ଛଡ଼ା ହେବ

ନିଜ ଦୁର୍ବଳତା   ନିଜେ ଜାଣି ପାରି

    ଅଙ୍ଗୁର ଖଟା କହିବ ।୬।