ମୁଠାଏ ଅନ୍ନ

ନିଜ ପରିବାରକୁ ମୁଠାଏ 

ଖୁଆଇବା ପାଇଁ

କିଏ କରେ ଟାଣ ଖରାରେ

ହାଡଭଙ୍ଗା ପରିଶ୍ରମ

କିଏ ଅନ୍ୟ ଘରେ କାମ ।

କରି ଯୋଗାଡେ ଅନ୍ନ

ରାସ୍ତା କଡରେ ହାତ ପତେଇବାକୁ

ପଛାଏ ନାହିଁ ।

ପେଟ ବିକଳେ

ଖରା ବର୍ଷା ଶୀତ ନମାନି

ଜରି ଗୋଟାଏ ।

ପୁଣି ବାସନ ମାଜେ 

ଆଉ କା ଘରେ ।

ହୋଟେଲରେ ଫିଙ୍ଗିଥିବା

ବଡବଡୁଆଙ୍କ ଅଇଁଠା ପତ୍ର ଚାଟେ ।

ନିଜ ଛୁଆକୁ କାନ୍ଧରେ ଧରି

ଯାଯାବର ସାଜି

ବୁଲେ ଚର୍ତୁଦିଗେ ।

ବେଡି ପୋଟଲା ବାନ୍ଧି

ଚାଲିଯାଏ ଦାଦନ ଖଟିବାକୁ

ସୁରଟ ଅନ୍ୟାନ୍ୟ ରାଜ୍ୟକୁ

ମୁଠାଏ ଅନ୍ନ ଖଞ୍ଜିବାକୁ ।