ମୁଠାଏ ଅନ୍ନ
ମୁଠାଏ ଅନ୍ନ
ମୁଠାଏ ଅନ୍ନ କରଇ ପୂର୍ଣ୍ଣ
ମାନବର ଉଦର
ତାହାରି ପାଇଁ ନିତି ଧାମଇଁ
ଲଗାଇ ମନ ଧ୍ୟାନ ।
ଅନ୍ନ ବିନା କେ ନ ପାରେ ଜୀଇଁ
ପରା ଜୀବନ ଧରି
ସେ ପାଖେ ଥିଲେ ଘର ଅଗଣା
ଦିଶଇ ଇନ୍ଦ୍ରପୁରୀ ।
ତା'କୁ ଯୋଗାଡ଼ କରିବା ପାଇଁ
ପାଞ୍ଚି କେତେ ଉପାୟ
ସତ ଅସତ ପଥକୁ ବାଛି
ଚାଲଇ ଅହରହ ।
ଯୁବା ବୟସେ ଖଟେ ବିଦେଶେ
ସାଜି ଦାଦନଟିଏ
ପେଟକୁ ଦାନା ଦେହକୁ କନା
ଅତ୍ୟାବଶ୍ୟକ ଥାଏ ।
ବାଳକ ଛାଡ଼ି ମାତାର କୋଳ
ଶିଶୁ ଶ୍ରମିକ ସାଜେ
ମାଆଟିଏ ବି ପିଲାକୁ ବିକେ
ତା'ର ଅସୀମ ଧୈର୍ଯ୍ୟେ ।
ଅକରମଣ୍ଯ ଅସହାୟ ବି
ଭିକ୍ଷୁକ ବୃତ୍ତି ଧରି
ଉଦର ପାଇଁ ମୁଠାଏ ଅନ୍ନ
ଥା'ନ୍ତି ଯୋଗାଡ଼ କରି ଅକରମଣ୍ଯ ଅସହାୟ ବି
ଭିକ୍ଷୁକ ବୃତ୍ତି ଧରି
ଉଦର ପାଇଁ ମୁଠାଏ ଅନ୍ନ
ଥା'ନ୍ତି ଯୋଗାଡ଼ କରି
।
ଯାହାର ଘରେ ଅଭାବ ଦୃଶ୍ୟ
ହୁଏନି ମୁଠେ ଅନ୍ନ
ଲୋକେ ବୋଲନ୍ତି ସେହି ଘରଟି
ଲକ୍ଷ୍ମୀ ନିବାସ ସ୍ଥାନ ।
ସେ ଘରୁ ଯଦି ଭୋକିଲାଟିଏ
ନ ଫେରେ ରିକ୍ତ ହସ୍ତ
ଲକ୍ଷ୍ମୀ ମାତା ସଦା ସନ୍ତୁଷ୍ଟ
ନ ହୁଏ ଧନ ଅସ୍ତ ।