ମୁଁ ତୁମକୁ ଭଲପାଏ
ମୁଁ ତୁମକୁ ଭଲପାଏ
ଜାଣେନି ତୁମ ଠିକଣା ତୁମ ପରିଚୟ
କିନ୍ତୁ ଏତିକି ଜାଣେ
ମୁଁ ତୁମକୁ ଭଲପାଏ ।
ସେ ଦିନ ତୁମକୁ ଦେଖିଥିଲି ଶିବ ମନ୍ଦିରରେ
କିଛି କହିବା ଆଗରୁ ତୁମେ ଚାଲିଗଲ ବହୁଦୂରେ
ଈଶ୍ୱର ଙ୍କୁ ମୁଁ ଜଣାଇଲି ମନକଥା
କଣ ଜାଣ?
ମୁଁ ତୁମକୁ ଭଲ ପାଏ ।
ସେ ଦିନ ମତେ ଏମିତି ଚାହିଁ ତୁମେ ହସିଥିଲ
ସତେକି ପରିଚିତ ତୁମେ ମୋ ସହିତ
ସେ ଚାହାଁଣି ଏ ଯାଏଁ ମୁଁ ଭୁଲିପାରୁନି
କାହିଁକି ଜାଣ?
ମୁଁ ତୁମକୁ ଭଲ ପାଏ ।
ଆଖି ଆଖି ମିଶିଥିଲା କିଛି କ୍ଷଣ ପାଇଁ
ସେଦିନଠୁ ନାହିଁ ମୁଁ ଆଉ ମୋ ନିଜର ହୋଇ
ସାଇତିଛି ମୋ ହୃଦୟରେ ତୁମପାଇଁ ସୁନ୍ଦର ଜାଗାଟିଏ
କାରଣ ମୁଁ ତୁମକୁ ଭଲ ପାଏ ।
ତୁମରି ବାଟ ଚାହିଁ କାଟୁଛି ଦିନ
ଜାଣିଛି ସତ ନୁହେଁ ଏ ଯେ ସପନ
ତଥାପି ବାଟକୁ ଚାହେଁ
ଚାଁହୁଥିବି ମଲା ଯାଏଁ
କାହିଁକି ନା
ମୁଁ ତୁମକୁ ଭଲ ପାଏ ।