ପ୍ରଥମ ଦେଖା
ପ୍ରଥମ ଦେଖା
ମାଳିଟିଏ ଯେବେ ଫୁଲହାର କରେ
ଭିଡ଼ ଥାଏ କେତେ ଫୁଲର,
ସେ ଫୁଲ ଭିତରେ ଜଣକୁ ବାଛି ମୁଁ
କରିଥିଲି କାଲି ନିଜର l
ସବୁ ଫୁଲଠାରୁ ବାଛି ବାଛି ମୁହିଁ
ଯାହାକୁ କଲି ମୁଁ ନିଜର,
ଆଜି ସେହିଫୁଲ ବଧୂବେଶ ସାଜି
ହୋଇଯିବ ଆଉ କାହାର l
ପ୍ରଥମ ଦେଖାରେ ତୋପାଖରେ ମୁହିଁ
ହଜେଇ ଥିଲି ମୋ ମନକୁ,
ଆଜି ମୁଁ ଭାବୁଛି କେବେ କେତେବେଳେ
ଭୁଲିଗଲି ମୁଁ ନିଜକୁ l
ହାତରେ ମେହେନ୍ଦି ପାଦରେ ଅଳତା
ଆଉ କାହା ପାଇଁ ପିନ୍ଧିବୁ,
ଆମ ପ୍ରେମର ସେ ପୁରୁଣା ଅତୀତ
ମନରୁ ପାସୋରି ଦବୁ l
ସୁଖରେ ତୁ ଥା ମୋ ଜୀବନରେ
ଦୁଃଖର ଛାଇ ନପଡୁ,
ମୋ ଚଲାବାଟେ ଜୀବନଟା ସାରା
କଣ୍ଟା ଆସି ପଛେ ପଡ଼ୁ l