ଚାଲିଯିବା

ତୁମରଥିଲା କି ଭୂଲ ମୋର ଥିଲା ଜାଣିନି

କୋଉଦିନ ଦେଖା ହୋଇଥିଲା ମନେ ରଖିନି l

ଏତିକି ରଖିଛି ମନେ ଆସିକରି ତୁମେ ଦିନେ

କହିଥିଲ ରାଣୀ ଅଟ ତୁମେ ଗୋ ମୋ ମନ ବନେ l

ସେହିଦିନୁ ଏହି ଆଖି ହୋଇଯାଇଛି ଲାଜୁକି

ବିତୁଛି ସମୟ ମୋର ତୁମକୁ ସେ ଖୋଜି ଖୋଜି l

ଶୀତୁଆ କୁହୁଡି ମତେ ଜମାବି ଭଲ ଲାଗୁନି

ତୁମକଥା ଭାବି ଭାବି ରାତିଦିନ ମୋ ସରୁନି l

ଡରଲାଗେ ଏ ଦୁନିଆ ଆମ କଥା ବୁଝିବନି

ଆମେ ଦେଖିଥିବା ସ୍ବପ୍ନ ଜମାବି ପୂର୍ଣ୍ଣ ହବନି l

ଚାଲ ଆମେ ଚାଲିଯିବା ଆଉ କେଉଁ ରାଇଜକୁ

ସେଇଠି ଗଢିବା ଆମ ସ୍ୱପ୍ନର ଦୁନିଆଟିକୁ l