ମୁଁ ନାରୀ
ମୁଁ ନାରୀ
ମୁଁ ନାରୀ,
ସୃଷ୍ଟି ର ଅନ୍ୟତମ ସୃଷ୍ଟି
ପୂର୍ଣ୍ଣ କରେ ପୁରୁଷତ୍ଵ
ମୁଁ ଶାନ୍ତ,ସ୍ନିଗ୍ଧ,କମନୀୟ ପ୍ରତିମୂର୍ତ୍ତି
ମୁଁ ସ୍ନେହ,ପ୍ରେମ,କରୁଣାର ଝଲକ
ମୁଁ ଧନ୍ୟ କରେ ସୃଷ୍ଠିର ସୃଜନୀକୁ ।।
ମୁଁ ନାରୀ,
ମୁଁ ଚପଳା ବିଜୁଳି କନ୍ୟା
ପତ୍ନୀ, ପ୍ରେମିକା,ଅଭିସାରିକା
ମାତୃତ୍ଵ ର ବାତ୍ସଲ୍ୟ
ଦାସୀ,ବନ୍ଧୁ,ଭଗ୍ନୀ,ଆଦି,ଅନ୍ତ,ଅନନ୍ତ ।।
ମୁଁ ନାରୀ,
ସରସ୍ବତୀ, କାଳୀ,ଲକ୍ଷ୍ମୀ, ଦୁର୍ଗା
ପ୍ରକୃତି ର ଅପରୂପା ଲାବଣ୍ୟ ଲଳନା
ମୌସୁମୀର ମେଘ ମଲ୍ହାର୍
ନଦୀ ସ୍ରୋତରେ ତରଙ୍ଗାୟିତ ନର୍ତ୍ତକୀ
ମୁଁ କଠୋର ,ଶାସନ ଦଣ୍ଡ ଧରି ଉପନୀତ ।।
ମୁଁ ନାରୀ,
ଭୋଗ୍ୟ ନୁହେଁ , ମୁଁ ମନ୍ତ୍ର ପ୍ରସାଦ
ମୁଁ ବିଶ୍ୱାସ ଡେଣା ରେ ଘୁରିବୁଲେ
ଇତର ପାଖରୁ ଅମୃତ ବିତରିବା ଯାଏ ।।