ମୁଁ ନାରୀ

ନାରୀ ମୁଁ ସର୍ବଂସହା

ସେଥିପାଇଁ ସ୍ପର୍ଦ୍ଧିତ ତୁମ ପୌରୁଷ

ନମ୍ର ମୋର ସର୍ବସତ୍ତା

ସେଥିପାଇଁ ମଦମତ୍ତ ତୁମ ଅହଂ ରାକ୍ଷସ ।

ସହି ଯାଏ ମୁଁ

ସେଥିପାଇଁ ତୁମେ କର ଅଟ୍ଟହାସ୍ୟ

ବ୍ୟବସ୍ଥିତ ମୁଁ

ସେଥିପାଇଁ ତୁମେ ରହିଥାଅ ଅସ୍ତବ୍ୟସ୍ତ ।

ମୁଁ ମର୍ଯ୍ୟାଦିତା

ସେଥିପାଇଁ ତୁମେ ଲଙ୍ଘିପାର ସୀମା ସରହଦ

ମୁଁ ନାରୀ, ରହିଥାଏ ସଦା ନାରୀ ହୋଇ

ମୋରି ନମ୍ରତାରୁ ପ୍ରତିପାଳିତ ତୁମ ପୌରୁଷ

ମୁଁ ସମର୍ପିତା

ସେଥିପାଇଁ ସଦା ଉପେକ୍ଷିତା, ତିରସ୍କୃତା

ମୁଁ ନୁହଁଇ ବ୍ୟର୍ଥ

ମୋ ବିନା ତୁମ ଜୀବନର ନାହିଁ କିଛି ଅର୍ଥ ।