ମୁଁ କବିତା
ମୁଁ କବିତା
ମୁଁ...
ମୁଁ କବିତା
କବିଙ୍କର
କଳ୍ପନାର ତାଜ୍
ନହୋଇ ପାରନ୍ତି ସିଏ
ମୋ'ପାଇଁକି
ଦ୍ରାକ୍ଷାଶକ୍ତ ଦେବଦାସ
ମୁଁ କିନ୍ତୁ ତାଙ୍କ ଦେବଦାସୀ,
ତାଙ୍କ ଗୀତିର ଗାୟତ୍ରୀ,
ଦୁର୍ଲଭ ପ୍ରେୟସୀ !
ମୋ' ଘୁଙ୍ଗୁର
ତାଙ୍କ ପାଇଁ,
ମୋ'ଘୁଙ୍ଗୁର
ଅଭିଶପ୍ତ ନୁହେଁ
ହୋଇ ବି ପାରେନା ।
ବରଂ,
ତାଳେ ତାଳେ
ଲୟେ ଲୟେ
ଛନ୍ଦେ ଛନ୍ଦେ
ନୃତ୍ୟାଙ୍ଗନା ସାଜେ,
ନୃତ୍ୟରେ ନୃତ୍ୟରେ
ନୃତ୍ୟବିଭୋରା ମୁଁ !
ସୁରରେ
ସୁର ମିଳାଇ
ଲାଳିତ୍ୟ ଲାବଣ୍ୟମୟୀ
ରୂପବତୀ ସାଜେ
ଗାଇଚାଲେ ତାଙ୍କ
ଜୀବନର ଗୀତି !
ତାଙ୍କ...
ଜୀବନ ଫର୍ଦ୍ଦର
ପୃଷ୍ଠାରୁ ପୃଷ୍ଠାରୁ
କାରୁଣ୍ୟ ଓ କଟାକ୍ଷ ଜହର,
କ୍ଷତ ବିକ୍ଷତ ଜୀବନର ବିଶ୍ଳେଷଣ,
ଲୋତକ ଓ ରୁଧିରର ବୁକୁଫଟା
ଲେଲିହାନ୍,ଚର୍ବିତ ଚିତ୍କାର ସବୁ
ମୋ' ବକ୍ଷକୁ ଚୁମିଯା'ନ୍ତି !
ମୁଁ...
ମୁଁ କବିତା
ମୋ'ରୂପରେ ଥାଏ ଲାଜ,
ଥାଏ ପୁଣି ସଂଭ୍ରମତା
ସରମି ସରମି ଆଖି
ନରମ ନରମ କଥା
ମଧୁର ମଧୁର ଭାଷା
କୋମଳ କୋମଳ କଣ୍ଠ
ଆଉ,ଏକ ପାରମ୍ପରିକ ଓଢଣୀ !