ମୁଁ କ'ଣ ଏତେ ଖରାପ
ମୁଁ କ'ଣ ଏତେ ଖରାପ
1 min
334
ମନ ପଚାରିଲା ଦିନେ ବିବେକକୁ
କହ ତୁ ମୁଁ କ'ଣ ଏତେ ଖରାପ
ପରିବର୍ତ୍ତନ କି ଆସେ ନାହିଁ ମୋର
ତୋ ସଙ୍ଗରେ କରିକି ବାର୍ତ୍ତାଳାପ ?
ଦିଗ ଦିଗ ପରା ବୁଲିବା ମୋ ଧର୍ମ
କେତେ ପାପ ପୁଣ୍ୟ ଧରି ସାଥିରେ
ମାତ୍ର ତୋ ଉଚିତ୍ ପରାମର୍ଶ ଲଭି
ମୋ ଗତି ପଥର ସିଦ୍ଧାନ୍ତ କରେ ।
ତୋ ହିତ କଥାକୁ ଯଦି ବୁଝିଯାଏ
ଜୀବନରେ ପରା ଅମୃତ ଝରେ
ଯଦି ନ ବୁଝଇ ଆତ୍ମବଡିମାରେ
ହସ କି ଫୁଟାଇ ପାରେ ମୁଖରେ ?
ତୁହି ପରା ଘୋଡ଼ା ଲଗାମ ସଦୃଶ
ଅବାଟରୁ ମୋତେ ଆଣୁଛୁ ଭିଡ଼ି
କେମିତି ଭାବୁଛୁ ମୁଁ ଖରାପ ବୋଲି
ତୋ ସାଥେ ପରା ସଦା ଥାଏ ଉଡ଼ି ।