ମୁଁ ଚାହେଁ

ମିଶାଇବାକୁ ଚାହେଁ 

ମୋ ଭୋକିଲା ଆଦର୍ଶକୁ

ତୁମ ଅନ୍ତରର ଆଦର୍ଶରେ

ଏକଲବ୍ୟର ଆଦର୍ଶ ନେଇ

ମୋ ସୁଖକୁ ଅମଳ କରି

ସ୍ବପ୍ନ ଦେଖିବାକୁ ଚାହେଁ

ସୁଖର ସୌଖୀନ ପୃଥିବୀକୁ

ଯେଉଁଠି ତୁମେ ବି ସୁଖୀରେ ଥିବ ।

ବିଲୀନ କରିବାକୁ ଚାହେଁ

ତୁମ ଅଦୃଶ୍ୟ ଆତ୍ମାର ଛାଇରେ

ମୋ ନଷ୍ଟ ଚରିତ୍ରର ଆତ୍ମାକୁ

ସେଥିରୁ ସଜାଡ଼ିବାକୁ ଚାହେଁ

ମୋ ଅଙ୍କାବଙ୍କା କଣ୍ଟକିତ ପଥକୁ

ବିବର୍ତ୍ତନ ସମୟର ଅଭିଳାଷରେ

ମୋ ଆତ୍ମା ବି ତୁମ ସାଥିରେ

ପ୍ରତି ମୁହୂର୍ତ୍ତରେ ପ୍ରେମ ଖୋଜିବ

ଯେଉଁଠି ତୁମେ ବି ପ୍ରେମ ଖୋଜୁଥିବ ।