ମୁଁ ବାତ୍ୟା କହୁଛି
ମୁଁ ବାତ୍ୟା କହୁଛି
ମୁଁ ବାତ୍ୟା କହୁଛି
ଡରିଗଲ କି ଭାଇ ମୋ ଘୋଷଣା ଶୁଣିକି?
ନା ନା ଡରିବାର କ'ଣ ଯେ ଅଛି
ଏମିତି ତ ବର୍ଷକୁ ତିନି ଚାରି ଥର ଆସୁଛି।
ପାଣିପାଗର ପୂର୍ବ ସୂଚନା
ବାରମ୍ବାର ମିଡିଆର ଛାତିଥରା ଉପସ୍ଥାପନା
ଉଠିଯାଅ ଭାଇ ସୁରକ୍ଷିତ ସ୍ଥଳୀକି
ଭଙ୍ଗା ଦଦରା ଚାଲଘରେ କ'ଣ ବା ଅଛି ।
ସ୍ତ୍ରୀ,ଅସହାୟ,ଶିଶୁ ଓ ପ୍ରସୂତି
ରୋଗୀଣା,ବୃଦ୍ଧ ଆଉ ଗର୍ଭବତୀ
ନେଇଯାଅ ଭାଇ ଆଶ୍ରୟସ୍ଥଳୀକି
ଏ ଝାଟିମାଟିର ଚାଳଘରେ ମୋହ କାହିଁ ପାଇଁ କି ।
ପବନ ବହିବ, ବର୍ଷା ବି ହେବ
ଉଭୟେ ତ ମୋର ଭାଇଭଉଣୀ ସମ
କିନ୍ତୁ,ମିଡିଆରେ ଆକଳନ ହେଉଛି ଯେତିକି
ସେତିକି ନାହିଁ ମୋ ସାହସ,କରାମତି।
ଫିଟେଇ ଦିଅ ଗୃହପାଳିତର ପଘା
ନିର୍ଦ୍ଵନ୍ଦ୍ବରେ ବୁଲନ୍ତୁ ପାଇ ସ୍ବାଧୀନତା
ଗଛ ଭଙ୍ଗା,ଚାଳ ଉଡା ତ ମୋ ସହଜାତ ପ୍ରକୃତି
କିନ୍ତୁ,କି ଉଦ୍ଦେଶ୍ୟେ ଗୁଜବ ଥରାଇଦେଉଛି ଛାତି ।
ଯେତେକ ତଳି ଅଞ୍ଚଳରେ,ନଈକୂଳଠାରେ
ବୁଝେନି,କି ସ୍ବାର୍ଥରେ ଘର ପାଇଁ ଅନୁମତି ମିଳେ
ଉଚ୍ଚ ସ୍ଥାନକୁ ଛାଡ଼ି ତାକୁ ଫୋକସ୍ କରେ ମିଡିଆ
କିନ୍ତୁ,ଫାଇଦା ଉଠାନ୍ତି ସୁଖର ପାରା,ବଡବଡିଆ ।
ରାଜନୀତିର ଏ ତ ସୁନହରା ମଉକା
ପଡିଆରେ କାଉଣ୍ଟ ହୁଏ ଚଉକା ଛକା
ଗରିବୀ ତ ହଟେ ନାହିଁ,ବଢେ ତାଙ୍କ ପବ୍ଲିସିଟି
ତୁ ନିଃଶ୍ବ,ଖଟିଖିଆ ଭାଇ ଘାଣ୍ଟି ହେଉ କାହିଁକି ।