ମୁଁ ଅଭିସାରିକା
ମୁଁ ଅଭିସାରିକା
ରେଶମୀ ଅନ୍ଧାରୀ ମୁଲକେ
ତନ୍ଦ୍ରା ହଜା ତନୁ ମୋର
କାହା ମିଠା ପରସେ
ଭରିଯାଏ ଶିହରଣ
ରାତି ଏବେ ରତି
ଛାଇ କୁ କରେ ଆଲିଙ୍ଗନ
କଦମ୍ବେ କଦମ୍ବେ
କୋଇଲିର କୁହୁ ତାନ
ସେ ଆସୁଛନ୍ତି ବୋଲି
ସତେ କି ଏ ଆଲୋଡନ?
ପ୍ରୀତି କୁଞ୍ଜେ ଶୁଭେ
ମଧୁର କଲ୍ଲୋଲ
ଚନ୍ଦ୍ରିକାର ନୀଳିମାରେ
ପ୍ରାଣ ମୋ ବ୍ୟାକୁଳ
କାହା କଟାକ୍ଷରେ
ସୁରଭିତ ସମୀରଣ।।
ଶଶୀ ଏବେ ସାକ୍ଷୀ
ମୋ ପ୍ରତି ଭାବନାର
ରଙ୍ଗ ଉତ୍ତରୀର ... ନୀରବ ଆମନ୍ତ୍ରଣ
ନୀଳ ସିକ୍ତ ଏ ଆତ୍ମା
ଶୂନ୍ୟ ସରସୀ ରେ
ଯାମିନି ତୁଠେ
ମଧୁର ସେ ଗୁଞ୍ଜରଣ।।